Genesis 40:13

Ang Biblia 2011

Human sa tulo ka adlaw bayawon sa Paraon ang imong ulo ug ikaw mahiuli sa imong buluhaton ug magtunol ikaw sa Paraon sa kupa, sama sa gibuhat nimo kaniadto sa diha nga ikaw tig-andam pa sa iyang kupa.

Cross References

Genesis 40:1

Wala madugay human niini, ang tig-andam sa bino sa hari sa Ehipto, ug ang iyang panadero nakapasuko sa ilang agalon nga hari sa Ehipto.

Genesis 40:12

Unya si Jose miingon kaniya, “Mao kini ang kahulogan sa imong damgo, ang tulo ka sanga nagkahulogan ug tulo ka adlaw.

Genesis 40:14

Apan hinumdomi unya ako sa dihang maayo na ang imong kahimtang, ug naghangyo ako kanimo nga kaluy-an nimo ako ug isugilon nimo ako sa Paraon aron ako makuha gikan niining balaya.

Genesis 7:4

Kay pito ka adlaw gikan karon, paulanan nako ang yuta sulod sa 40 ka adlaw ug 40 ka gabii ug puohon nako gikan sa nawong sa yuta ang tanan nakong gibuhat nga may kinabuhi.”

2 Mga Hari 25:27

Sa ika-37 nga tuig sa pagkabihag ni Jehoiakin nga hari sa Juda, sa ikanapulo ug duha nga bulan, sa ikakawhaan ug pito nga adlaw sa bulan, si Ebil-merodac nga hari sa Babilonia, sa tuig nga siya nagsugod sa paghari, mibuhi kang Jehoiakin nga hari sa Juda gikan sa bilanggoan.

Salmo 3:3

Apan ikaw, O Ginoo, mao ang taming libot kanako, ang akong himaya, ug ang tig-isa sa akong ulo.

Jeremias 52:31

Sa ika-37 nga tuig sa pagkabihag ni Jehoiakin nga hari sa Juda, sa ikanapulo ug duha nga bulan, sa ika-25 nga adlaw sa bulan, si Ebil-merodac nga hari sa Babilonia, sa tuig nga siya nahimong hari, miisa sa ulo ni Jehoiakin nga hari sa Juda ug gipagula siya sa bilanggoan.