Genesis 4:8

Ang Biblia 2011

Ug si Cain misulti kang Abel nga iyang igsoon, “Mangadto kita sa patag.” Ug sa didto na sila sa patag, si Cain mihasmag batok kang Abel nga iyang igsoon, ug gipatay niya siya.

Cross References

Genesis 4:25

Ug si Adan nakighilawas pag-usab sa iyang asawa ug siya nanganak ug usa ka batang lalaki ug gitawag niya ang iyang ngalan nga Seth, kay miingon siya, “Ang Dios mihatag kanako ug usa ka kaliwat nga puli kang Abel nga gipatay ni Cain.”

2 Samuel 14:6

Ug ang imong sulugoon nga babaye may duha ka anak nga lalaki, ug silang duha nag-away didto sa kapatagan ug walay si bisan kinsa nga nakaulang kanila, ug ang usa mitigbas sa usa ug mipatay kaniya.

2 Samuel 3:27

Ug sa pagbalik ni Abner sa Hebron, gidala siya ni Joab ngadto sa taliwala sa ganghaan aron sa pagpakigsulti kaniya sa tago, ug didto gidunggab niya siya diha sa tiyan, nga tungod niana namatay siya tungod sa dugo sa igsoon ni Joab nga si Asahel.

2 Cronicas 21:4

Sa diha nga nakasukad na si Jehoram diha sa gingharian sa iyang amahan ug nalig-on na, iyang gipatay ang tanan niyang igsoon pinaagi sa espada ug ang pipila ka pangulo sa Israel.

Nehemias 6:2

si Sanbalat ug si Gesem nagpasugo nganhi kanako nga nag-ingon, “Dali ug magtagbo kita sa usa sa mga balangay sa kapatagan sa Ono.” Apan sila naghunahuna sa pagbuhat ug daotan kanako.

Job 11:15

Sa walay duhaduha ikaw makayahat unya sa imong nawong nga walay tatsa; malayo ikaw sa kadaot ug dili na mahadlok.

Salmo 139:19

O pamatyon unta nimo ang mga daotan, O Dios, ug ang mga tawo nga giuhaw sa dugo magpalayo unta kanako,

Salmo 36:3

Ang mga pulong sa iyang baba daotan ug malimbongon; mihunong siya sa pagkamaalamon ug sa pagbuhat ug maayo.

Salmo 55:21

Ang iyang pagpanulti hapsay pa sa mantikilya, apan gubat ang anaa sa iyang kasingkasing; ang iyang mga pulong lumo pa sa lana, apan diay inandam nga mga espada.

Oseas 4:2

Hinuon adunay pagpanumpa, pagpamakak, pagpamatay, pagpangawat, ug pagpanapaw, ilang gilapas ang tanan nga mga utlanan ug nagsunodsunod ang pagpamatay.

Miqueas 7:6

kay ang anak nga lalaki magtamay sa amahan, ang anak nga babaye mosukol sa iyang inahan, ang umagad nga babaye batok sa iyang ugangan nga babaye; ang mga kaaway sa usa ka tawo mao ang mga tawo sa iyang kaugalingong balay.

Numeros 35:20

Ug kon siya motukmod kaniya tungod sa pagdumot, o manglabay pinaagi sa pagpangatang, nga sa ingon niana mamatay kini,

Mateo 23:35

aron nga diha kaninyo paninglon ang tanang dugo sa mga matarong nga miagas diha sa yuta sukad pa sa dugo ni Abel nga walay sala hangtod sa dugo ni Zacarias nga anak ni Barakias nga inyong gipatay diha sa taliwala sa balaang dapit ug sa halaran.

Lucas 11:51

sukad pa sa dugo ni Abel hangtod sa dugo ni Zacarias nga namatay sa taliwala sa halaran ug sa balaang dapit. Oo, sultihan ko kamo nga paninglon gayod kini gikan niining kaliwatana.

Lucas 22:48

Apan si Jesus miingon kaniya, “Judas, inubanan ba diay ug halok ang imong pagbudhi sa Anak sa Tawo?”

Mga Hebreo 11:4

Tungod sa pagtuo si Abel mihalad ngadto sa Dios sa labaw ka maayo nga halad kay sa kang Cain, nga pinaagi niini siya gipamatud-an ingon nga tawong matarong. Ang Dios nagmatuod niini diha sa pagdawat sa iyang mga halad. Apan tungod niini, bisan ug siya patay na, siya nagsulti pa gihapon.

Mga Hebreo 12:24

ug kang Jesus, ang tigpataliwala sa usa ka bag-ong kasabotan, ug sa binisibis nga dugo nga nagsulti sa labi pa ka maayong pulong kay sa dugo ni Abel.

Judas 1:11

Alaot sila! Kay sila naglakaw subay sa dalan ni Cain, ug tungod sa pagpanapi ilang gipatuyangan ang ilang kaugalingon ngadto sa sayop ni Balaam, ug nangalaglag diha sa pagsupil ni Korah.