Genesis 4:5

Ang Biblia 2011

Apan kang Cain ug sa iyang halad, wala siya magtagad. Busa nasuko pag-ayo si Cain, ug nagmug-ot ang iyang dagway.

Cross References

Genesis 31:2

Ug nakita ni Jacob nga lain ang pagtagad ni Laban kaniya, dili na sama sa kaniadto.

Genesis 31:5

ug miingon kanila, “Nakita nako nga ang tinagdan sa inyong amahan kanako dili na sama kaniadto, apan ang Dios sa akong amahan nag-uban kanako.

Genesis 39:19

Sa diha nga ang iyang agalon nakadungog sa mga pulong nga gisulti sa iyang asawa kaniya, “Mao kini ang gihimo kanako sa imong ulipon,” misilaob ang iyang kasuko.

Job 15:13

nga tungod niana imong gipaatubang ang imong espiritu batok sa Dios, ug nagpagula sa ingon nga mga pulong gikan sa imong baba?

Job 5:2

Ang kapungot mopatay gayod sa buangbuang, ug ang kasina molaglag sa yano.

Salmo 20:3

Hinumduman unta niya ang tanan nimong mga halad, ug dawaton ang imong halad nga sunogon! Selah

Mga Panultihon 19:3

Ang binuang sa tawo magdala sa iyang dalan ngadto sa pagkadaot, apan sa gihapon ang iyang kasingkasing masuko batok sa Ginoo.

Mga Panultihon 29:10

Ang mga tawo nga giuhaw ug dugo nagdumot kaniya nga dili masaway, ug ang daotan nangita sa iyang kinabuhi.

Ecclesiastes 4:4

Unya nakita nako nga ang tanang paghago ug ang tanang kabatid diha sa buhat naggikan sa kasina sa tawo sa iyang isigkatawo. Kini kakawangan usab ug usa lamang ka paggukod sa hangin.

Isaias 3:9

Ang ilang pagdapig nagsaksi batok kanila; gipasundayag nila ang ilang sala sama sa Sodoma, wala nila kini taboni. Alaot sila! kay nagdala sila ug daotan sa ilang kaugalingon.

Numeros 16:15

Si Moises nasuko pag-ayo ug miingon sa Ginoo, “Ayaw tagda ang ilang halad! Wala ako magkuha bisan usa ka asno gikan kanila o magdaot sa usa kanila.”

Mateo 20:15

Wala ba diay akoy katungod sa paggamit sa akong mga kabtangan sumala sa akong kabubut-on? O imo ba diay akong bagutbotan tungod sa akong pagkamahinatagon?’

Mga Buhat 13:45

Apan sa pagkakita sa mga Judio sa panon sa katawhan, sila napuno sa kasina ug ilang gisupak ang mga gipanulti ni Pablo, ug gibugalbugalan nila siya.

Mga Hebreo 11:4

Tungod sa pagtuo si Abel mihalad ngadto sa Dios sa labaw ka maayo nga halad kay sa kang Cain, nga pinaagi niini siya gipamatud-an ingon nga tawong matarong. Ang Dios nagmatuod niini diha sa pagdawat sa iyang mga halad. Apan tungod niini, bisan ug siya patay na, siya nagsulti pa gihapon.

Judas 1:11

Alaot sila! Kay sila naglakaw subay sa dalan ni Cain, ug tungod sa pagpanapi ilang gipatuyangan ang ilang kaugalingon ngadto sa sayop ni Balaam, ug nangalaglag diha sa pagsupil ni Korah.

1 Samuel 16:7

Apan ang Ginoo miingon kang Samuel, “Ayaw pagtan-aw sa iyang nawong o sa gitas-on sa iyang barog tungod kay ako nagsalikway kaniya, kay ang Ginoo nagtan-aw dili ingon sa makita sa tawo, kay ang tawo nagtan-aw sa panagway sa gawas apan ang Ginoo nagtan-aw sa kasingkasing.”