Genesis 4:26

Ang Biblia 2011

Ug kang Seth usab natawo ang usa ka anak nga lalaki ug gitawag niya ang iyang ngalan nga Enos. Unya ang mga tawo nagsugod sa pagtawag sa ngalan sa Ginoo.

Cross References

Genesis 12:8

Unya mibalhin siya didto sa kabukiran dapit sa silangan sa Betel ug gipabarog niya ang iyang tolda. Dapit sa kasadpan niini mao ang Betel ug ang Ai dapit sa silangan. Ug nagtukod siya didto ug usa ka halaran alang sa Ginoo ug nagtawag sa ngalan sa Ginoo.

Genesis 26:25

Busa si Isaac nagtukod didto ug usa ka halaran ug mitawag sa ngalan sa Ginoo, ug gipatindog niya didto ang iyang tolda ug ang mga sulugoon ni Isaac nagkalot ug usa ka atabay.

1 Mga Hari 18:24

Ug sangpita ninyo ang ngalan sa inyong dios ug ako magsangpit sa ngalan sa Ginoo, ug ang Dios nga motubag pinaagi sa kalayo, siya mao ang Dios.” Ug ang tibuok katawhan mitubag, “Maayo kanang pagkasulti.”

Salmo 116:17

Akong ihalad kanimo ang halad sa pasalamat, ug magsangpit ako sa ngalan sa Ginoo.

Isaias 44:5

Kining usa moingon, ‘Ako iya sa Ginoo,’ ang usa motawag sa iyang kaugalingon sa ngalan ni Jacob, ug ang usa magsulat sa iyang kamot, ‘Iya sa Ginoo,’ ug nag-ila sa iyang kaugalingon sa ngalan ni Israel.”

Isaias 48:1

Pamatia kini, O balay ni Jacob nga gitawag sa ngalan ni Israel, ug gikan sa kaliwat ni Juda nga nanumpa tungod sa ngalan sa Ginoo, ug nag-ila sa Dios sa Israel, apan dili diha sa kamatuoran o sa pagkamatarong.

Isaias 63:19

Kami nahimong sama niadtong wala gayod nimo mandoi, sama kanila nga wala tawga pinaagi sa imong ngalan.

Jeremias 33:16

Nianang mga adlawa, ang Juda maluwas ug ang Jerusalem magpuyo nga layo sa kakuyaw. Ug mao kini ang ngalan nga itawag niini, ‘Ang Ginoo mao ang atong pagkamatarong.’

Joel 2:32

Ug mahitabo nga si bisan kinsa nga magtawag sa ngalan sa Ginoo maluwas, kay didto sa Bukid sa Zion ug sa Jerusalem atua didto ang nakaikyas sumala sa giingon sa Ginoo, ug taliwala sa mga salin mao kadtong tawgon sa Ginoo.

Sofonias 3:9

Kay nianang panahona usbon nako ang sinultihan sa mga katawhan ngadto sa lunsay nga pinulongan, aron silang tanan magtawag sa ngalan sa Ginoo, ug mag-alagad kaniya uban ang hiniusa nga pag-uyon.

Lucas 3:38

nga anak ni Enos, nga anak ni Set, nga anak ni Adan, nga anak sa Dios.

Mga Buhat 11:26

Ug sa nakit-an na niya si Saulo, gidala niya siya sa Antioquia. Sulod sa tibuok tuig sila nakigtigom sa iglesia ug nagtudlo sa usa ka dakong pundok sa mga tawo. Ug didto sa Antioquia ang mga tinun-an sa unang higayon gitawag ug mga Cristohanon.

Mga Buhat 2:21

Ug mahitabo nga si bisan kinsa nga magtawag sa ngalan sa Ginoo, maluwas.’

Roma 10:13

Kay “ang tanan nga nagtawag sa ngalan sa Ginoo maluwas.”

1 Mga Taga-Corinto 1:2

Alang sa iglesia sa Dios nga anaa sa Corinto, kanila nga gibalaan pinaagi kang Cristo Jesus, ang mga gitawag nga balaan uban sa tanan nga nagtawag diha sa tanang dapit sa ngalan sa atong Ginoong Jesu-Cristo, ilang Ginoo ug atoa usab: