Genesis 4:17

Ang Biblia 2011

Ug nakighilawas si Cain sa iyang asawa, ug siya nagsamkon ug nanganak kang Enoc ug nagtukod siya ug usa ka lungsod ug ginganlan niya sama sa ngalan sa iyang anak nga si Enoc.

Cross References

Genesis 11:4

Unya miingon sila, “Dali, magbuhat kita alang kanato ug usa ka siyudad ug usa ka tore nga ang tumoy mosangko sa langit, ug magbuhat kita alang kanato ug usa ka ngalan kay tingali unya ug nagkatibulaag kita sa tibuok kalibotan.”

Genesis 4:16

Ug mipahawa si Cain sa atubangan sa Ginoo, ug mipuyo sa yuta sa Nod, sa silangan sa Eden.

Genesis 4:18

Ug kang Enoc natawo si Irad, ug si Irad mao ang amahan ni Mehujael, ug si Mehujael mao ang amahan ni Methusael, ug si Methusael mao ang amahan ni Lamec.

Genesis 5:18

Sa dihang si Jared nagpanuigon ug 162, siya nahimong amahan ni Enoc.

Genesis 5:22

Human maanak kaniya si Metusela, si Enoc nagkinabuhi uban sa Dios sulod sa 300 ka tuig ug may mga anak pa gayod nga lalaki ug babaye.

2 Samuel 18:18

Sa buhi pa si Absalom siya nagkuha ug nagpatindog ug usa ka haligi alang sa iyang kaugalingon, nga anaa sa Walog sa Hari, kay siya miingon, “Wala akoy anak nga lalaki nga magpahinumdom sa akong ngalan,” ug iyang ginganlan ang haligi sa iyang kaugalingong ngalan ug kini gitawag nga monyumento ni Absalom hangtod niining adlawa.

Salmo 49:11

Ang ilang lubnganan mao ang ilang puluy-anan hangtod sa kahangtoran, ang ilang mga puluy-anan ngadto sa tanang mga kaliwatan, bisan ug nganlan nila ang kayutaan nga ilang kaugalingon.

Salmo 49:12

Ang tawo dili magpadayon diha sa kadungganan; siya sama sa mga mananap nga mangahanaw.

Daniel 4:30

ug ang hari miingon, “Dili ba kini mao ang bantogang Babilonia nga akong gitukod ingon nga harianong puluy-anan pinaagi sa akong dakong gahom ug alang sa dungog sa akong pagkahalangdon?”