Genesis 4:15

Ang Biblia 2011

Ug ang Ginoo miingon kaniya, “Dili kana mahitabo! Si bisan kinsa nga mopatay kang Cain panimaslan ug pito ka pilo.” Ug gibutangan sa Ginoo ug patik si Cain aron siya dili patyon ni bisan kinsa nga makakita kaniya.

Cross References

Genesis 4:24

Kon si Cain ipanimalos ug pito ka pilo, si Lamec 77 ka pilo.”

1 Mga Hari 16:7

Ug dugang pa, pinaagi kang Jehu nga propeta nga anak ni Hanani, midangat ang pulong sa Ginoo batok kang Baasa ug batok sa iyang panimalay tungod sa tanang daotan nga iyang gihimo diha sa panan-aw sa Ginoo, nga nakapahagit kaniya sa pagkasuko tungod sa buhat sa iyang mga kamot, kay kini nagpakasama sa panimalay ni Jeroboam ug tungod usab kay iyang gilaglag kini.

Salmo 59:11

Ayaw sila patya, kay tingali unya ug malimot ang akong katawhan; patibulaaga sila pinaagi sa imong gahom, ug ipaubos sila, O Ginoo nga among taming!

Salmo 79:12

Ibalik sa pito ka pilo ngadto sa sabakan sa among silingan ang pagpakaulaw nga ilang gihimo kanimo, O Ginoo!

Mga Panultihon 6:31

Apan kon siya madakpan, mobayad siya ug pito ka pilo; ihatag niya ang tanan niyang kabtangan sa iyang balay.

Ezequiel 9:4

Ug ang Ginoo miingon kaniya, “Lakaw, latas sa siyudad, latas sa Jerusalem, ug ibutang ang usa ka timaan diha sa mga agtang sa mga tawo nga nagpanghupaw ug nag-agulo tungod sa tanang mga dulumtanan nga gibuhat diha niini.”

Ezequiel 9:6

Patya gayod ang mga tigulang, ang mga batan-ong lalaki ug ang mga ulay, ug ang mga bata ug ang kababayen-an, apan ayaw ninyo hilabti ang tawo nga may timaan, ug pagsugod kamo diha sa akong balaan nga puluy-anan.” Unya gisugdan nila ang mga tigulang nga diha sa atubangan sa balay.

Oseas 1:4

Ug ang Ginoo miingon kaniya, “Tawga ang iyang ngalan ug Jesreel, kay sa mubong panahon akong silotan ang balay ni Jehu tungod sa dugo ni Jesreel ug akong taposon ang gingharian sa balay sa Israel.

Levitico 26:18

Kon nianang mga butanga dili gihapon kamo mamati kanako, kastigohon ko kamo ug pito ka pilo tungod sa inyong mga sala.

Levitico 26:21

“Kon maglakaw kamo nga batok kanako ug kamo dili mamati kanako, dugangan nako ug pito ka pilo ang mga hampak sumala sa inyong mga sala.

Levitico 26:24

ako usab maglakaw batok kaninyo ug ako gayod maghampak kaninyo sa pito ka pilo tungod sa inyong mga sala.

Levitico 26:28

ako maglakaw batok kaninyo nga adunay kaligutgot ug kastigohon ko kamo pag-usab sa pito ka pilo tungod sa inyong mga sala.

Mateo 26:52

Ug si Jesus miingon kaniya, “Iuli sa sakoban ang imong espada kay ang tanang mogamit ug espada mamatay sa espada.

Gipadayag 14:11

Ug ang aso sa ilang kasakit mag-utbo hangtod sa kahangtoran ug sila dili makatagamtam sa pahulay, sa gabii ug sa adlaw, sila nga mosimba sa bangis nga mananap ug sa iyang larawan ug si bisan kinsa nga nakadawat sa patik sa ngalan niini.”

Gipadayag 14:9

Ug misunod ang laing anghel, ang ikatulo, nga nag-ingon sa kusog nga tingog, “Kon adunay mosimba sa bangis nga mananap ug sa iyang larawan, ug magpapatik sa iyang agtang o sa iyang kamot,