Genesis 4:14

Ang Biblia 2011

Giabog nimo ako niining adlawa gikan niining yutaa, ug ako matago gikan sa imong atubangan, maglatagaw ug magtagotago ako sa kalibotan ug mahitabo nga si bisan kinsa nga makakita kanako, mopatay kanako.”

Cross References

Genesis 3:24

Busa gipapahawa niya ang tawo, ug didto sa silangang dapit sa tanaman sa Eden gibutang niya ang mga kerubin ug ang nagsiga nga espada nga nagtuyok aron pagbantay sa dalan ngadto sa kahoy sa kinabuhi.

Genesis 4:13

Ug si Cain miingon sa Ginoo, “Ang akong silot dako pa kay sa akong maantos.

2 Samuel 14:7

Karon ang tibuok panimalay mitindog batok sa imong sulugoon nga babaye ug sila miingon, ‘Ihatag siya nga nagpatay sa iyang igsoon nga lalaki, aron patyon namo siya alang sa kinabuhi sa iyang igsoon nga iyang gipatay,’ ug malaglag usab nila ang manununod. Sa ingon niini mapalong nila ang baga nga nahibilin kanako, ug walay mahibilin sa akong bana nga ngalan o salin sa ibabaw sa yuta.”

Salmo 109:10

Maglatagaw unta ang iyang mga anak ug magpakilimos; ug papahawaon unta sila gikan sa mga ginuba nga ilang gipuy-an!

Salmo 109:12

Wala untay maluoy kaniya, o maluoy sa iyang mga anak nga wala nay amahan!

Salmo 143:7

Pagdali sa pagtubag kanako, O Ginoo! Naluya na ang akong espiritu! Ayaw tagoa ang imong nawong gikan kanako, aron dili ako mahisama niadtong mga nanganaog ngadto sa Gahong.

Mga Panultihon 14:32

Ang daotan mapukan tungod sa iyang buhat nga daotan, apan ang matarong makakita ug dalangpanan pinaagi sa iyang kaligdong.

Mga Panultihon 28:1

Ang daotan mopalayo bisan ug walay naggukod, apan ang matarong isog sama sa liyon.

Isaias 8:22

Sila motan-aw sa yuta, apan ilang makita ang kalisdanan ug ang kangitngit, ang kadulom sa kasakit, ug sila itambog ngadto sa hilabihan nga kangitngit.

Jeremias 52:3

Tungod sa kasuko sa Ginoo nahitabo gayod ang mga butang didto sa Jerusalem ug sa Juda, nga tungod niana gihinginlan niya sila gikan sa iyang atubangan. Ug si Zedekias misukol batok sa hari sa Babilonia.

Oseas 13:3

Busa mahisama sila sa gabon sa kaadlawon o sama sa yamog nga sayong mahanaw, sama sa tahop nga mapalid gikan sa giokanan o sama sa aso gikan sa bintana.

Levitico 26:17

Ipaatubang nako ang akong nawong batok kaninyo ug pukanon kamo sa inyong mga kaaway ug ang mga nagdumot kaninyo magmando ibabaw kaninyo ug mangagiw kamo bisan walay maggukod kaninyo.

Levitico 26:36

Mahitungod sa mga nahabilin kaninyo, luyahon nako ang ilang mga kasingkasing didto sa yuta sa ilang mga kaaway ug ang kinanaas sa usa ka dahon magpakagiw kanila ingon sa usa nga mokagiw gikan sa espada ug mangapukan sila bisan walay maggukod kanila.

Numeros 35:19

Ang manimalos sa dugo mao gayod ang mopatay sa mamumuno; sa diha nga ikatagbo niya ang mamumuno, patyon niya kini.

Numeros 35:21

o tungod sa pagdumot siya makasamad pinaagi sa iyang kamot, nga sa ingon niana kini mamatay, siya nga nakasamad kaniya patyon gayod. Siya usa ka mamumuno, ang manimalos sa dugo mopatay sa mamumuno, sa diha nga ikatagbo niya kini.

Numeros 35:27

unya ang manimalos sa dugo makakita kaniya didto sa gawas sa utlanan sa iyang siyudad nga dalangpanan ug ang manimalos sa dugo mopatay sa mamumuno, siya dili pakasad-on tungod sa dugo,

Mateo 25:41

“Unya ang Hari moingon kanila nga diha sa iyang wala, ‘Pahawa gikan kanako, kamong mga tinunglo, ngadto sa kalayong walay kataposan nga gitagana alang sa yawa ug sa iyang mga anghel,

Mateo 25:46

Ug sila moadto sa silot nga dayon apan ang mga matarong ngadto sa kinabuhing dayon.”

Deuteronomio 28:64

Ug ang Ginoo magpatibulaag kaninyo sa taliwala sa tanang katawhan, gikan sa usa ka tumoy sa yuta ngadto sa pikas ug didto mag-alagad kamo sa lain nga mga dios nga hinimo sa kahoy ug bato nga wala mailhi ninyo o sa inyong katigulangan.

Deuteronomio 28:65

Ug sa taliwala niining maong mga nasod dili kamo makakita ug kasayon, ug didto walay kapahulayan sa lapalapa sa inyong tiil apan ang Ginoo maghatag kaninyo didto ug kasingkasing nga talawan ug nagkaluya nga mata ug nagkaluya nga kalag.

2 Mga Taga-Tesalonica 1:9

Mahiagom unya sila sa silot nga walay kataposang pagkalaglag ug mahilayo gikan sa atubangan sa Ginoo ug gikan sa himaya sa iyang gahom