Genesis 4:10

Ang Biblia 2011

Ug ang Ginoo miingon, “Unsa man ang imong gibuhat? Ang tingog sa dugo sa imong igsoon nagtuaw kanako gikan sa yuta.

Cross References

Genesis 18:20

Ug ang Ginoo miingon kaniya, “Tungod kay ang singgit batok sa Sodoma ug sa Gomora dako kaayo, ug tungod kay ang ilang sala hilabihan gayod ka bug-at,

Genesis 3:13

Ug ang Ginoong Dios miingon sa babaye, “Unsa man kining imong gibuhat?” Ug ang babaye miingon, “Ang bitin milingla kanako, ug mikaon ako.”

Genesis 9:5

Kay ang dugo nga inyong kinabuhi paninglon gayod nako sa tanang mananap paninglon nako kini ug sa tawo. Sa matag igsoon sa tawo paninglon nako ang kinabuhi sa tawo.

2 Mga Hari 9:26

‘Ingon nga nakita gayod nako kagahapon ang dugo ni Nabot ug ang dugo sa iyang mga anak nga lalaki, nag-ingon ang Ginoo, ako manimalos kanimo niining lunaa.’ Busa karon kuhaa ug ilabay siya ngadto sa yuta; sumala sa pulong sa Ginoo.”

2 Cronicas 28:9

Apan adunay usa ka propeta sa Ginoo didto, nga ang ngalan mao si Oded, ug migula siya aron sa pagtagbo sa kasundalohan nga miadto sa Samaria ug miingon kanila, “Tan-awa, tungod kay ang Ginoo, ang Dios sa inyong mga katigulangan nasuko batok sa Juda, iyang gitugyan sila nganha sa inyong kamot, apan gipamatay ninyo sila sa kasuko nga milanog ngadto sa langit.

Job 16:18

“O yuta, ayaw taboni ang akong dugo; ayaw hatagi ug kapahulayan ang akong mga paghilak.

Job 24:12

Gikan sa mga siyudad ang mga himatyon nag-agulo, ug ang kalag sa samaran nagsinggit ug pakitabang; bisan pa niana ang Dios wala magtagad sa ilang mga pag-ampo.

Salmo 50:21

Kining mga butanga imong gibuhat, ug ako nagpakahilom; naghunahuna ikaw nga ako sama kanimo. Apan karon badlongon ko ikaw, ug ibutang nako kining mga butanga sa imong atubangan.

Salmo 72:14

Gikan sa pagdaogdaog ug pagpanglupig gilukat niya ang ilang kinabuhi; ug bililhon ang ilang dugo diha sa iyang panan-aw.

Salmo 9:12

Kay siya nga manimalos tungod sa dugo mahinumdom kanila; siya dili malimot sa pagtuaw sa mga sinakit.

Salmo 9:13

Kaluy-i ako, O Ginoo! Tan-awa ang akong kalisdanan gikan kanila nga nagdumot kanako, O ikaw nga nagtuboy kanako gikan sa mga ganghaan sa kamatayon,

Exodo 3:7

Unya ang Ginoo miingon, “Nakita nako ang kasakit sa akong katawhan nga atua sa Ehipto ug nadungog nako ang ilang pagtuaw tungod sa mga tigdumala sa buhat ug nahibaloan nako ang ilang kasakitan.

Isaias 5:7

Kay ang parasan sa Ginoo sa mga panon mao ang balay sa Israel, ug ang mga tawo sa Juda mao ang iyang tanom nga makapahimuot, ug siya nagpaabot sa hustisya apan tan-awa, pagpaagas ug dugo; sa pagkamatarong, apan tan-awa, usa ka pagtuaw!

Numeros 35:33

Busa ayaw ninyo hugawi ang yuta nga inyong gipuy-an, kay ang dugo makahugaw sa yuta, ug walay paghinlo nga mahimo alang sa yuta tungod sa dugo nga moagas diha niini kondili pinaagi sa dugo niadtong nagpaagas niini.

Mga Buhat 5:3

Apan si Pedro miingon, “Ananias, ngano bang gisudlan man ni Satanas ang imong kasingkasing aron ikaw mamakak sa Espiritu Santo ug ikaw manguha sa halin sa yuta?

Mga Buhat 5:9

Apan si Pedro miingon kaniya, “Naunsa ba nga nagkasabot man kamo sa pagtintal sa Espiritu sa Ginoo? Tan-awa, anaa na sa pultahan ang mga tiil sa mga naglubong sa imong bana ug ikaw yayongan nila paingon sa gawas.”

Deuteronomio 21:1

“Kon diha sa yuta nga gihatag sa Ginoo kaninyo aron panag-iyahon, adunay tawo nga makit-an nga gipatay nga nagbuy-od sa hawan nga patag ug wala mahibaloi kon kinsa ang nagpatay kaniya,

Mga Hebreo 11:4

Tungod sa pagtuo si Abel mihalad ngadto sa Dios sa labaw ka maayo nga halad kay sa kang Cain, nga pinaagi niini siya gipamatud-an ingon nga tawong matarong. Ang Dios nagmatuod niini diha sa pagdawat sa iyang mga halad. Apan tungod niini, bisan ug siya patay na, siya nagsulti pa gihapon.

Mga Hebreo 12:24

ug kang Jesus, ang tigpataliwala sa usa ka bag-ong kasabotan, ug sa binisibis nga dugo nga nagsulti sa labi pa ka maayong pulong kay sa dugo ni Abel.

Santiago 5:4

Tan-awa, ang mga suhol nga inyong gitikas gikan sa mga mamumuo nga nag-ugmad sa inyong kaumahan nagsinggit, ug ang mga singgit sa mga nag-ani midangat sa mga dalunggan sa Ginoo sa mga panon.

Josue 7:19

Unya si Josue miingon kang Acan, “Anak ko, ihatag ang himaya sa Ginoo, ang Dios sa Israel ug dayega siya. Ug sultihi ako karon kon unsay imong nabuhat; ayaw kini itago kanako.”

1 Samuel 13:11

Si Samuel miingon, “Unsay imong nabuhat?” Ug si Saul miingon, “Sa pagkakita nako nga ang katawhan nagkabulagbulag na gikan kanako ug nga wala ikaw moanhi sa mga adlaw nga gitakda, ug nga ang mga Filistihanon nagtigom na sa ilang kaugalingon didto sa Mikmas,