Genesis 39:9

Ang Biblia 2011

Siya dili labaw kanako niining balaya ug walay bisan unsa nga butang nga iyang gihikaw kanako gawas kanimo, kay ikaw mao ang iyang asawa. Busa unsaon nako paghimo niining dakong pagkadaotan ug sala batok sa Dios?”

Cross References

Genesis 13:13

Niadtong panahona ang mga tawo sa Sodoma daotan ug hilabihan gayod ka makasasala batok sa Ginoo.

Genesis 20:3

Apan ang Dios miadto kang Abimelek pinaagi sa damgo sa pagkagabii ug miingon kaniya, “Tan-awa, daw patay na ikaw tungod sa babaye nga imong gikuha, kay siya asawa sa usa ka tawo.”

Genesis 20:6

Unya ang Dios miingon kaniya diha sa damgo, “Oo, ako usab nahibalo nga sa kahingpit sa imong kasingkasing gibuhat nimo kini ug ako usab nagpugong kanimo sa pagpakasala batok kanako ug niini wala ko ikaw tugoti nga motandog kaniya.

Genesis 20:9

Unya si Abraham gitawag ni Abimelek ug giingnan siya, “Unsa ba kining gibuhat nimo kanamo? Ug unsa bay sala nako kanimo nga nagdala man ikaw kanako ug sa akong gingharian ug dako kaayong sala? Gibuhat nimo kanako ang dili angay nimong buhaton.”

Genesis 24:2

Ug miingon si Abraham sa iyang sulugoon, sa labing tigulang sa iyang panimalay nga maoy tinugyanan sa tanan niyang kabtangan, “Ibutang ang imong kamot sa ilalom sa akong paa,

Genesis 39:10

Busa bisan ug nagsulti siya kang Jose matag adlaw, siya wala mamati kaniya aron makigdulog kaniya o mouban kaniya.

Genesis 41:40

Ikaw magmando sa akong panimalay ug sumala sa imong pulong, dumalahon nimo ang akong tibuok nga katawhan. Sa akong trono lamang nga ako labaw kanimo.”

Genesis 42:18

Sa ikatulo nga adlaw si Jose miingon kanila, “Buhata ninyo kini ug mabuhi kamo kay ako may kahadlok sa Dios.

2 Samuel 11:27

Ug sa diha nga nahuman na ang pagbangutan, si David nagpasugo ug gipadala siya ngadto sa iyang balay, ug siya nahimo nga iyang asawa ug siya nanganak kaniya ug usa ka anak nga lalaki. Apan ang butang nga gihimo ni David wala makapahimuot sa Ginoo.

2 Samuel 12:13

Ug si David miingon kang Natan, “Ako nakasala batok sa Ginoo.” Ug si Natan miingon kang David, “Ang Ginoo usab nagpapas sa imong sala, ikaw dili mamatay.

Nehemias 5:15

Ang unang mga gobernador nga nag-una kanako naghatag ug bug-at nga mga palas-anon sa katawhan ug nagkuha sa pagkaon ug bino gikan kanila, gawas sa 40 ka siklo nga plata. Bisan ang ilang mga alagad nagharihari ibabaw sa katawhan apan ako wala magbuhat sa ingon tungod sa pagkahadlok nako sa Dios.

Nehemias 6:11

Apan ako miingon, “Moikyas ba ang usa ka tawo nga sama kanako? Ug kinsa bang tawhana nga sama kanako nga mosulod sa Templo ug mabuhi? Dili ako mosulod.”

Job 31:23

Kay ako anaa sa kalisang sa katalagman gikan sa Dios, ug dili ako makaharong sa iyang pagkahalangdon.

Salmo 51:4

Batok kanimo, kanimo lamang, nakasala ako, ug nagbuhat ug daotan diha sa imong panan-aw, busa ikaw giila nga matarong diha sa imong pagsulti, ug nga dili masaway diha sa imong paghukom.

Exodo 20:14

“Ayaw panapaw.

Mga Panultihon 6:29

Mao usab siya nga mosulod ngadto sa asawa sa iyang silingan; walay usa nga manghilabot kaniya nga dili silotan.

Mga Panultihon 6:32

Siya nga nakapanapaw walay salabotan; siya nga nagbuhat niini naglaglag sa iyang kaugalingon.

Ecclesiastes 7:26

Ug nakaplagan nako nga labaw pang pait kay sa kamatayon ang babaye nga ang kasingkasing mga lit-ag ug mga pukot, ug nga ang mga kamot mga posas. Siya nga nakapahimuot sa Dios makagawas gikan kaniya apan ang makasasala mabihag niya.

Jeremias 28:16

Busa mao kini ang giingon sa Ginoo, ‘Kuhaon ko ikaw gikan sa yuta. Niini gayong tuiga mamatay ikaw, tungod kay naglitok ikaw ug pagsupil batok sa Ginoo.’ ”

Jeremias 50:7

Gitukob sila sa tanan nga nakakita kanila ug ang ilang mga kaaway miingon, ‘Kami dili sad-an, kay sila nakasala batok sa Ginoo, ang ilang matuod nga puluy-anan, ang Ginoo, ang paglaom sa ilang mga katigulangan.’

Levitico 20:10

“Kon ang usa ka tawo manapaw sa asawa sa laing tawo, ang mananapaw nga lalaki ug ang mananapaw nga babaye patyon.

Levitico 6:2

“Kon adunay makasala ug magbuhat ug paglapas batok sa Ginoo pinaagi sa paglimbong sa iyang isigkatawo tungod sa gipatipigan o gibilin kaniya, o pinaagi sa pagpangawat o pagpanglupig sa iyang isigkatawo,

Numeros 32:23

Apan kon kini dili ninyo buhaton, kamo nakasala batok sa Ginoo ug masilotan gayod kamo tungod sa inyong sala.

Lucas 12:48

Apan siya nga wala mahibalo niini ug nagbuhat ug butang nga angay sa pagbunal, mahiagom sa diyotay nga pagbunal. Ang matag usa nga gihatagan ug daghan, daghan ang pangitaon gikan kaniya; ug siya nga gitugyanan sa mga tawo ug daghan, labaw pa nga paninglan nila ug daghan.

1 Mga Taga-Corinto 4:2

Dugang pa, gikinahanglan nga ang mga piniyalan magpakita nga kasaligan.

Tito 2:10

dili mangawat, hinuon magpakita sila sa bug-os nga pagsalig, aron nga diha sa tanang butang mahimo nila nga angayan ang pagtulun-an sa Dios nga atong Manluluwas.

Mga Hebreo 13:4

Himoa ninyo nga ang panagtiayon makabaton sa pagtahod sa tanan, ug himoa ninyo nga ang higdaanan sa panagtiayon dili mahugawan, kay ang Dios mosilot gayod sa mga makihilawason ug sa mga mananapaw.

1 Juan 3:9

Ang matag usa nga gipanganak gikan sa Dios dili magpakasala, kay ang binhi sa Dios magpabilin man diha kaniya, ug siya dili makasala tungod kay siya gipanganak man gikan sa Dios.

Gipadayag 21:8

Apan alang sa mga talawan, sa mga walay pagtuo, sa mga dulumtanan, sa mga mamumuno, ug sa mga makihilawason, sa mga salamangkiro ug sa mga nagsimba ug mga diosdios, ug sa tanang mga bakakon, ang ilang bahin anaa sa linaw nga nagdilaab sa kalayo ug asupri, nga mao ang ikaduhang kamatayon.”

Gipadayag 22:15

Sa gawas anaa ang mga iro, ang mga salamangkiro, ang mga makihilawason, ang mga mamumuno, ang mga nagsimba ug mga diosdios, ug ang tanang nahigugma ug naghimo sa bakak.