Genesis 39:21

Ang Biblia 2011

Apan ang Ginoo nag-uban kang Jose ug nagpakita kaniya sa gugmang walay paglubad ug gihimo siya nga mahimut-an sa panan-aw sa tinugyanan sa bilanggoan.

Cross References

Genesis 21:22

Niadtong panahona si Abimelek ug si Picol nga pangulo sa iyang kasundalohan miingon kang Abraham, “Ang Dios nag-uban kanimo diha sa tanan nimong gibuhat.

Genesis 39:2

Ang Ginoo nag-uban kang Jose ug siya nahimong tawo nga malamposon ug didto siya sa balay sa iyang agalon nga Ehiptohanon.

Genesis 39:3

Ug nakita sa iyang agalon nga ang Ginoo nag-uban kaniya ug gipauswag sa Ginoo ang tanan nga gibuhat sa iyang kamot.

Genesis 39:4

Busa si Jose nakapahimuot sa iyang panan-aw ug siya nag-alagad kaniya ug gihimo siya nga tinugyanan sa iyang balay ug gitugyan kaniya ang tanan niyang katigayonan.

Genesis 40:3

Ug gipabantayan niya sila didto sa balay sa kapitan sa mga bantay, didto sa bilanggoan diin si Jose nabilanggo.

Salmo 105:19

hangtod sa panahon nga natuman ang iyang pulong, ang pulong sa Ginoo misulay kaniya.

Salmo 105:22

sa pagmando sa iyang mga pangulo sumala sa iyang kabubut-on, ug sa pagtudlo ug kaalam sa iyang mga kadagkoan.

Salmo 106:46

Gihimo niya sila nga kaluy-an niadtong tanan nga nagdala kanila nga binihag.

Exodo 11:3

Ug ang Ginoo naghimo sa katawhan nga kahimut-an diha sa panan-aw sa mga Ehiptohanon. Dugang pa, ang tawo nga si Moises bantogan kaayo diha sa yuta sa Ehipto, diha sa panan-aw sa mga alagad sa Paraon ug diha sa panan-aw sa katawhan.

Exodo 12:36

Ug ang Ginoo naghimo sa katawhan sa Israel nga kahimut-an sa atubangan sa mga Ehiptohanon nga sa ingon gihatagan sila kutob sa ilang gipangayo kanila. Niniing paagiha ilang gikuhaan ang mga Ehiptohanon.

Exodo 3:21

Ug ako maghimo niining katawhan nga kahimut-an sa mga mata sa mga Ehiptohanon, ug sa paglakaw ninyo, dili kamo molakaw nga walay mga dala.

Mga Panultihon 16:7

Kon ang mga pamaagi sa usa ka tawo makapahimuot sa Ginoo, iyang himoon bisan ang iyang mga kaaway nga makigdait kaniya.

Isaias 41:10

ayaw kahadlok, kay ania ako uban kanimo, ayaw kabalaka, kay ako mao ang imong Dios; lig-onon ko ikaw ug tabangan ko ikaw, ituboy ko ikaw pinaagi sa akong madaogon nga tuong kamot.

Isaias 43:2

Sa diha nga ikaw molatas sa katubigan ako mag-uban kanimo, ug sa mga kasapaan, kini dili makalapaw kanimo; sa diha nga ikaw maglakaw latas sa kalayo, ikaw dili masunog ug ang kalayo dili maglamoy kanimo.

Daniel 1:9

Unya ang Dios mihatag kang Daniel ug pag-uyon ug kaluoy sa panan-aw sa pangulo sa mga yunoko.

Daniel 6:22

Ang akong Dios nagpadala sa iyang anghel, ug gitak-om ang baba sa mga liyon, ug sila wala makaunsa kanako tungod kay ako nakita nga walay ikasaway diha sa iyang atubangan ug usab sa imong atubangan. O hari, wala akoy nabuhat nga sayop.”

Roma 8:37

Dili! Hinuon diha niining tanang mga butang kita labaw pa sa mga mananaog pinaagi kaniya nga nahigugma kanato.

1 Pedro 3:17

Kay labi pang maayo ang pag-antos tungod sa pagbuhat ug matarong, kon kini pagbuot man sa Dios, kay sa pag-antos tungod sa pagbuhat ug daotan.