Genesis 39:2

Ang Biblia 2011

Ang Ginoo nag-uban kang Jose ug siya nahimong tawo nga malamposon ug didto siya sa balay sa iyang agalon nga Ehiptohanon.

Cross References

Genesis 21:20

Ug ang Dios nag-uban sa bata ug midako siya. Nagpuyo siya sa kamingawan ug nahimo siyang hanas sa pagpamana.

Genesis 21:22

Niadtong panahona si Abimelek ug si Picol nga pangulo sa iyang kasundalohan miingon kang Abraham, “Ang Dios nag-uban kanimo diha sa tanan nimong gibuhat.

Genesis 26:24

Ug mipakita kaniya ang Ginoo niadtong gabhiona ug miingon, “Ako mao ang Dios ni Abraham nga imong amahan. Ayaw kahadlok kay ako nag-uban kanimo ug ikaw panalanginan nako, ug padaghanon nako ang imong mga kaliwat tungod kang Abraham nga akong sulugoon.”

Genesis 26:28

Sila miingon, “Nakita namo sa dayag gayod nga ang Ginoo nag-uban kanimo busa nag-ingon kami, ‘Himoon nato ang usa ka panumpa tali kanimo ug kanamo, ug maghimo ug kasabotan uban kanimo,

Genesis 28:15

Tan-awa, ako mag-uban kanimo ug magbantay kanimo bisan asa ikaw moadto ug ikaw pabalikon nako niining yutaa kay ako dili mobiya kanimo hangtod nga matuman nako ang akong gisulti kanimo.”

Genesis 39:23

Ang tinugyanan sa bilanggoan wala magtagad sa bisan unsang butang nga diha sa mga kamot ni Jose kay ang Ginoo nag-uban kaniya, ang bisan unsa nga iyang gibuhat gipauswag sa Ginoo.

Genesis 39:3

Ug nakita sa iyang agalon nga ang Ginoo nag-uban kaniya ug gipauswag sa Ginoo ang tanan nga gibuhat sa iyang kamot.

2 Mga Hari 18:7

Ug ang Ginoo nag-uban kaniya ug bisan asa siya moadto, siya nagmauswagon. Ug siya mialsa batok sa hari sa Asiria ug wala moalagad kaniya.

1 Cronicas 9:20

Si Pinehas nga anak ni Eleasar mao ang pangulo nila sa miaging panahon, ug ang Ginoo nag-uban kaniya.

2 Cronicas 1:1

Si Solomon nga anak ni David naglig-on sa iyang kaugalingon diha sa iyang gingharian ug ang Ginoo nga iyang Dios nag-uban kaniya, ug naghimo kaniya nga hilabihan ka bantogan.

Salmo 1:3

Siya sama sa kahoy nga gitanom daplin sa kasapaan sa tubig, nga naghatag sa iyang bunga sa iyang panahon, ug ang iyang dahon dili malaya. Sa tanan niyang gibuhat siya nagmauswagon.

Salmo 46:11

Ang Ginoo sa mga panon nag-uban kanato; ang Dios ni Jacob mao ang atong dalangpanan. Selah.

Salmo 46:7

Ang Ginoo sa mga panon nag-uban kanato; ang Dios ni Jacob mao ang atong dalangpanan. Selah

Salmo 91:15

Sa diha nga magtawag siya kanako, ako motubag kaniya; ubanan nako siya diha sa kalisdanan, luwason nako siya ug akong pasidunggan.

Isaias 41:10

ayaw kahadlok, kay ania ako uban kanimo, ayaw kabalaka, kay ako mao ang imong Dios; lig-onon ko ikaw ug tabangan ko ikaw, ituboy ko ikaw pinaagi sa akong madaogon nga tuong kamot.

Isaias 43:2

Sa diha nga ikaw molatas sa katubigan ako mag-uban kanimo, ug sa mga kasapaan, kini dili makalapaw kanimo; sa diha nga ikaw maglakaw latas sa kalayo, ikaw dili masunog ug ang kalayo dili maglamoy kanimo.

Jeremias 15:20

Ug ikaw akong buhaton alang niining katawhan ingon nga usa ka lig-on nga paril nga bronsi; sila makig-away batok kanimo, apan sila dili makadaog kanimo, kay ako mag-uban kanimo aron sa pagluwas kanimo ug sa pagpalingkawas kanimo, nag-ingon ang Ginoo.

Mateo 1:23

“Tan-awa, usa ka ulay magsabak ug manganak sa usa ka bata nga lalaki, ug ang iyang ngalan tawgon ug Emmanuel” (nga nagkahulogan: Ang Dios uban kanato).

Mga Buhat 8:31

Ug siya mitubag, “Unsaon man nako pagkasabot, gawas kon adunay magtudlo kanako?” Ug iyang gidapit si Felipe sa pagsakay ug sa paglingkod tupad kaniya.

1 Timoteo 6:1

Ang tanan nga nailalom sa yugo sa pagkaulipon, kinahanglan nga mag-isip sa ilang mga agalon nga takos sa tanang pagtahod, aron ang ngalan sa Dios ug ang pagtulun-an dili mapasipalahan.

Josue 1:5

Walay tawo nga makabarog batok kanimo sa tanang mga adlaw sa imong kinabuhi, ingon nga ako nag-uban kang Moises, mag-uban usab ako kanimo. Dili ko ikaw pakyason o biyaan.

Josue 1:9

Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang Ginoo nga imong Dios anaa uban kanimo bisan asa ikaw moadto.”

Josue 6:27

Busa ang Ginoo nag-uban kang Josue ug ang iyang kabantog nasangyaw sa tibuok nga yuta.

1 Samuel 16:18

Unya mitubag ang usa sa mga batan-ong lalaki, “Nakita nako ang usa ka anak ni Jesse nga taga-Betlehem, batid nga motugtog, isog nga tawo, tawo sa gubat, ugdang nga manulti, maayo ug barog ug ang Ginoo nag-uban kaniya.”

1 Samuel 18:14

Si David nagmalamposon sa tanan niyang gibuhat kay ang Ginoo nag-uban man kaniya.

1 Samuel 18:28

Apan sa dihang nakita ug nahibaloan ni Saul nga ang Ginoo nag-uban kang David ug si Mical nga anak ni Saul nahigugma kaniya,

1 Samuel 3:19

Si Samuel mitubo ug ang Ginoo nag-uban kaniya ug walay nakawang sa tanan niyang gisulti.