Genesis 37:9

Ang Biblia 2011

Unya nagdamgo na usab siya ug lain pang damgo ug gisugilon niya kini sa iyang mga igsoon, “Paminaw, nagdamgo ako ug lain na usab nga damgo. Nakita nako nga ang adlaw ug ang bulan ug ang napulo ug usa ka bituon nangyukbo kanako.”

Cross References

Genesis 20:3

Apan ang Dios miadto kang Abimelek pinaagi sa damgo sa pagkagabii ug miingon kaniya, “Tan-awa, daw patay na ikaw tungod sa babaye nga imong gikuha, kay siya asawa sa usa ka tawo.”

Genesis 37:10

Apan sa dihang gisugilon niya kini sa iyang amahan ug sa iyang mga igsoon, ang iyang amahan mibadlong kaniya ug miingon, “Unsa ba kining damgoha nga imong gidamgo? Moduol ba diay ako ug ang imong inahan ug ang imong mga igsoon aron sa pagyukbo sa yuta diha sa imong atubangan?”

Genesis 37:7

Nakita nako nga nagbugkos kita ug mga inani didto sa uma, ug ang akong binugkos mitindog ug mituy-od, ug ang inyong mga binugkos mialirong ug miyukbo sa akong binugkos.”

Genesis 37:8

Ug ang iyang mga igsoon miingon kaniya, “Maghari ba diay ikaw kanamo? Ug magmando ba diay ikaw kanamo?” Ug misamot pa gayod ang ilang pagdumot kaniya tungod sa iyang mga damgo ug sa iyang mga pulong.

Genesis 41:25

Unya si Jose miingon sa Paraon, “Ang damgo sa Paraon usa lamang. Ang Dios nagpadayag ngadto sa Paraon sa angay niyang buhaton.

Genesis 41:32

Ug tungod niini ang damgo gihimo sa makaduha nganha sa Paraon tungod kay ang maong butang gitakda sa Dios ug nga ang Dios maghimo niini sa dili madugay.

Genesis 42:6

Niadtong panahona si Jose maoy gobernador sa yuta, siya mao ang nagbaligya sa pagkaon ngadto sa tanang katawhan sa yuta. Ug ang mga igsoong lalaki ni Jose nangabot, ug miyukbo atubangan kaniya ug ang ilang mga nawong paatubang sa yuta.

Genesis 43:26

Sa dihang miabot na si Jose sa balay, ilang gidala kaniya sa sulod sa balay ang mga gasa nga diha kanila ug miyukbo sila kaniya ngadto sa yuta.

Genesis 43:28

Ug sila miingon, “Ang imong ulipon nga among amahan maayo man, buhi pa siya.” Ug miduko sila sa paghatag ug katahoran.

Genesis 44:14

Sa dihang si Juda ug ang iyang mga igsoon miabot sa balay ni Jose, didto pa siya ug sila mihapa sa yuta sa atubangan niya.

Genesis 44:19

Ang akong agalon nangutana sa iyang mga ulipon nga nag-ingon, ‘Aduna ba kamoy amahan o igsoon nga lalaki?’

Genesis 45:9

Pagdali kamo ug adtoa ang akong amahan ug ingna ninyo siya, ‘Mao kini ang giingon sa imong anak nga si Jose, “Ang Dios naghimo kanako nga agalon sa tibuok Ehipto. Dali ngari kanako. Ayaw pagdugay.

Genesis 46:29

Ug gipaandam ni Jose ang iyang sakyanan ug miadto siya sa pagdawat kang Israel nga iyang amahan didto sa Gosen. Unya nagpaila siya sa iyang kaugalingon ngadto kang Jacob ug migakos sa liog sa iyang amahan ug mihilak sa igo nga kadugayon.

Genesis 47:12

Ug si Jose nagsangkap ug pagkaon sa iyang amahan ug sa iyang mga igsoon ug sa tanan sa panimalay sa iyang amahan sumala sa ilang mga banay.

Daniel 8:10

Kini mitubo pag-ayo bisan hangtod sa panon sa langit ug ang uban sa panon sa mga bituon iyang gihulog sa yuta ug giyatakan.

Numeros 12:6

Ug siya miingon, “Pamatia ninyo ang akong mga pulong: Kon adunay usa ka propeta sa taliwala ninyo, ako, ang Ginoo magpakita kaniya sa usa ka panan-awon, ako makigsulti kaniya pinaagi sa usa ka damgo.

Mga Taga-Filipos 2:15

aron mahimo kamong putli ug dili masaway, mga anak sa Dios nga walay buling taliwala sa usa ka hiwi ug sukihan nga kaliwatan, nga sa taliwala nila kamo magsidlak ingon nga mga kahayag dinhi sa kalibotan,