Genesis 37:8

Ang Biblia 2011

Ug ang iyang mga igsoon miingon kaniya, “Maghari ba diay ikaw kanamo? Ug magmando ba diay ikaw kanamo?” Ug misamot pa gayod ang ilang pagdumot kaniya tungod sa iyang mga damgo ug sa iyang mga pulong.

Cross References

Genesis 27:41

Busa si Esau nagdumot kang Jacob tungod sa panalangin nga gipanalangin kaniya sa iyang amahan ug miingon siya sa iyang kaugalingon, “Duol na ang mga adlaw sa pagbangutan tungod sa akong amahan, unya patyon nako si Jacob nga akong igsoon.”

Genesis 37:4

Apan sa pagkakita sa iyang mga igsoon nga ang ilang amahan nagpangga kaniya labaw kay sa tanan niyang mga igsoon, sila nagdumot kaniya ug dili makasulti kaniya sa minaayo.

Genesis 37:9

Unya nagdamgo na usab siya ug lain pang damgo ug gisugilon niya kini sa iyang mga igsoon, “Paminaw, nagdamgo ako ug lain na usab nga damgo. Nakita nako nga ang adlaw ug ang bulan ug ang napulo ug usa ka bituon nangyukbo kanako.”

Genesis 42:10

Ug sila miingon kaniya, “Dili intawon among agalon, ang imong mga ulipon mianhi aron sa pagpalit ug pagkaon.

Genesis 44:18

Unya si Juda miduol kaniya ug miingon, “O akong agalon, naghangyo ako kanimo nga pasultihon nimo ako ug usa ka pulong sa mga igdulungog sa akong agalon, ug ayaw papasilaoba ang imong kasuko batok sa imong ulipon kay ikaw sama sa Paraon.

Genesis 49:26

Ang mga panalangin sa imong amahan milabaw kay sa mga panalangin sa dayon nga kabukiran, ang kabuhong sa mga kabungtoran nga walay kataposan, maanaa unta kini sa ibabaw sa ulo ni Jose, ug sa agtang niya nga gilain gikan sa iyang mga igsoong lalaki.

Genesis 50:18

Ug nangadto usab ang iyang mga igsoong lalaki ug mihapa sa atubangan niya ug miingon, “Tan-awa, kami mga sulugoon nimo.”

Salmo 118:22

Ang bato nga gisalikway sa mga magtutukod nahimong batong patukoranan.

Exodo 2:14

Ug siya mitubag, “Kinsa ba ang naghimo kanimo nga pangulo ug maghuhukom kanamo? Naghunahuna ba ikaw sa pagpatay kanako sama sa pagpatay nimo sa Ehiptohanon?” Unya si Moises nahadlok ug miingon sa iyang kaugalingon, “Ang mga tawo nahibalo diay sa nahitabo.”

Lucas 19:14

Apan ang iyang mga katagilungsod nagdumot kaniya, ug siya ilang gipasundan ug mga tawo aron sa pag-ingon, ‘Dili kami buot nga maoy maghari kanamo kining tawhana.’

Lucas 20:17

Apan mitutok siya kanila ug miingon, “Unsa man diay kining nasulat: ‘Ang maong bato nga gisalikway sa mga magtutukod nahimong ulohang patukoranan.’

Mga Buhat 7:35

“Kining maong Moises nga ilang gisalikway ug giingnan, ‘Kinsa bay naghimo kanimo nga among pangulo ug maghuhukom?’ gipaanhi sa Dios ingon nga pangulo ug manluluwas pinaagi sa kamot sa anghel nga mipakita kaniya didto sa sampinit.

Deuteronomio 33:16

sa labing maayo nga mga gasa sa yuta ug sa pagkapuno niini, ug sa kaayo niya nga nagpuyo sa sampinit. Himoa nga kini moabot ngadto sa ulo ni Jose ug sa alimpulo nga mao ang labaw sa iyang mga igsoon.

Mga Hebreo 10:29

Sa inyong paghunahuna, unsa pa kaha ka bug-at sa silot nga mahiagoman sa tawo nga miyatak sa Anak sa Dios, ug nagpakawalay bili sa dugo sa kasabotan nga pinaagi niini siya gibalaan, ug nanamastamas sa Espiritu sa grasya?

1 Samuel 10:27

Apan ang ubang mga tawo nga walay pulos nag-ingon, “Unsaon man niining tawhana pagluwas kanato?” Ug ilang gitamay siya ug wala magdala kaniya ug gasa. Apan nagpakahilom lamang siya.

1 Samuel 17:28

Si Eliab nga iyang magulang nga igsoon nakadungog sa diha nga siya nakigsulti sa mga tawo, ug ang kasuko ni Eliab misilaob batok kang David, ug siya miingon, “Nganong mianhi man ikaw? Ug kinsay imong gibinlan niadtong pipila ka karnero didto sa kamingawan? Ako nahibalo sa imong garbo, ug sa kadaotan sa imong kasingkasing kay ikaw mianhi aron sa pagtan-aw sa gubat.”

1 Samuel 18:8

Busa si Saul nasuko sa hilabihan gayod ug kining pulonga wala makapahimuot kaniya ug siya miingon, “Gipahinungod nila kang David ang tagnapulo ka libo ug kanako ilang gipahinungod ang mga linibo lamang, ug unsa pay lain nga maiya kondili ang gingharian?”