Genesis 37:10

Ang Biblia 2011

Apan sa dihang gisugilon niya kini sa iyang amahan ug sa iyang mga igsoon, ang iyang amahan mibadlong kaniya ug miingon, “Unsa ba kining damgoha nga imong gidamgo? Moduol ba diay ako ug ang imong inahan ug ang imong mga igsoon aron sa pagyukbo sa yuta diha sa imong atubangan?”

Cross References

Genesis 27:29

Mag-alagad kanimo ang mga katawhan, ug ang mga nasod mangyukbo kanimo. Mahimo ikaw nga agalon sa imong mga igsoon, ug mangyukbo unta kanimo ang mga anak sa imong inahan. Matinunglo unta ang magtunglo kanimo, ug mapanalanginan ang nagpanalangin kanimo!”

Genesis 37:7

Nakita nako nga nagbugkos kita ug mga inani didto sa uma, ug ang akong binugkos mitindog ug mituy-od, ug ang inyong mga binugkos mialirong ug miyukbo sa akong binugkos.”

Genesis 37:9

Unya nagdamgo na usab siya ug lain pang damgo ug gisugilon niya kini sa iyang mga igsoon, “Paminaw, nagdamgo ako ug lain na usab nga damgo. Nakita nako nga ang adlaw ug ang bulan ug ang napulo ug usa ka bituon nangyukbo kanako.”

Genesis 43:26

Sa dihang miabot na si Jose sa balay, ilang gidala kaniya sa sulod sa balay ang mga gasa nga diha kanila ug miyukbo sila kaniya ngadto sa yuta.

Genesis 43:28

Ug sila miingon, “Ang imong ulipon nga among amahan maayo man, buhi pa siya.” Ug miduko sila sa paghatag ug katahoran.

Genesis 44:14

Sa dihang si Juda ug ang iyang mga igsoon miabot sa balay ni Jose, didto pa siya ug sila mihapa sa yuta sa atubangan niya.

Isaias 60:14

Ang mga anak nga lalaki niadtong nagsakit kanimo manganhi nga magyukbo kanimo; ug silang tanan nga nagbiaybiay kanimo mangyukbo diha sa imong tiilan; ikaw tawgon nila nga Siyudad sa Ginoo, ang Zion sa Balaan sa Israel.