Genesis 36:6

Ang Biblia 2011

Ug gidala ni Esau ang iyang mga asawa ug ang iyang mga anak nga lalaki ug ang iyang mga anak nga babaye ug ang tanang sakop sa iyang panimalay ug ang iyang kahayopan ug ang tanan niyang mga mananap ug ang tanan niyang bahandi nga iyang natigom didto sa yuta sa Canaan, ug milakaw siya ngadto sa laing yuta layo kang Jacob nga iyang igsoon.

Cross References

Genesis 32:3

Ug si Jacob nagsugo ug mga sulugoon una kaniya ngadto kang Esau nga iyang igsoon didto sa yuta sa Seir, sa kayutaan sa Edom,

Gipadayag 18:13

kaningag, mga lamas, insenso, mga pahumot, bino, lana sa olibo, pino nga harina ug trigo, mga baka ug mga karnero, mga kabayo ug mga karwahi, ug mga ulipon, nga sa ato pa, mga tawo.

Genesis 28:4

Ihatag unta niya ang panalangin ni Abraham nganha kanimo ug sa imong kaliwat uban kanimo aron mapanununod nimo ang yuta nga imong gilangyawan nga gihatag sa Dios kang Abraham.”

Genesis 25:23

Ug ang Ginoo mitubag kaniya, “Adunay duha ka nasod sa imong taguangkan, ug ang duha ka katawhan nga mangatawo gikan kanimo magkabahin, ang usa kusgan kay sa usa ug ang magulang mag-alagad sa manghod.”

Genesis 17:8

Ug ihatag nako nganha kanimo ug sa imong kaliwatan nga sunod kanimo ang yuta diin ikaw milangyaw, ang tibuok nga yuta sa Canaan aron mapanag-iya ninyo sa dayon, ug ako mahimo nga ilang Dios.”

Genesis 13:11

Busa gipili ni Lot alang kaniya ang tibuok nga kapatagan sa Jordan, ug mipadulong si Lot sa silangan. Ug sa ingon, nagbulag sila gikan sa usa ug usa.

Genesis 13:6

Busa ang yuta dili paigo kanila nga magtipon pagpuyo didto, kay ang ilang mga kabtangan hilabihan ka daghan ug dili mahimo nga sila magtipon pagpuyo.

Genesis 12:5

Ug gidala ni Abram si Sarai nga iyang asawa ug si Lot nga anak sa iyang igsoon ug ang tanan nilang kabtangan nga ilang natigom ug ang mga tawo nga ilang natigom sa Haran, ug migikan sila ngadto sa yuta sa Canaan ug miabot sila sa yuta sa Canaan.

Ezequiel 27:13

Ang Javan, ang Tubal ug ang Mesec nakigpatigayon kanimo. Gibayloan nila ug mga ulipon ug mga sudlanan nga bronsi ang imong mga baligya.

Genesis 36:5

Ug si Oholibama nanganak kang Jeus, kang Jalam ug kang Korah. Kini sila mao ang mga anak nga lalaki ni Esau nga nangatawo kaniya didto sa yuta sa Canaan.