Genesis 34:8

Ang Biblia 2011

Apan si Hamor misulti kanila, “Ang kalag sa akong anak nga si Sekem nangandoy sa imong anak nga babaye. Naghangyo ako kaninyo nga ihatag ninyo siya aron mahimo nga iyang asawa.

Cross References

Genesis 34:3

Apan ang iyang kalag nadani kang Dina nga anak ni Jacob ug nahigugma siya sa dalaga, ug misulti nga malumo kaniya.

Genesis 34:7

Unya ang mga anak ni Jacob miabot gikan sa kapatagan. Sa dihang nahibaloan nila kini, nangasuko ang mga lalaki ug napungot kay gibinuangan ni Sekem ang Israel pinaagi sa paglugos sa anak nga babaye ni Jacob, kay ang maong butang dili angay nga buhaton.

Genesis 34:9

Ug paghimo kamo ug mga kaminyoon uban kanamo, ihatag kanamo ang inyong mga anak nga babaye ug kuhaa ninyo ang among mga anak nga babaye alang kaninyo.

1 Mga Hari 11:2

Sa mga nasod nga giingon sa Ginoo ngadto sa katawhan sa Israel, “Dili kamo makigminyo kanila, mao man usab sila nganha kaninyo kay, sa pagkatinuod sila magpasimang sa inyong kasingkasing sa pagsunod sa ilang mga dios.” Apan si Solomon nahigugma kanila pag-ayo.

Job 7:2

Sama sa usa ka sulugoon nga nangandoy sa anino, ug sama sa usa ka sinuholan nga nangita sa iyang suhol,

Salmo 119:20

Naugtas ang akong kalag tungod sa pagpangandoy nako sa imong mga tulumanon sa tanang panahon.

Salmo 63:1

O Dios, ikaw mao ang akong Dios, nangita ako kanimo, ang akong kalag giuhaw kanimo; ang akong unod nangandoy kanimo, sama sa usa ka yuta nga uga ug mingaw diin walay tubig.

Salmo 84:2

Ang akong kalag gihidlaw, Oo, nangandoy sa mga hawanan sa Ginoo; ang akong kasingkasing ug ang akong unod nag-awit nga malipayon ngadto sa Dios nga buhi.

Jeremias 22:27

Apan ngadto sa yuta nga ilang gipangandoy nga ilang paulian, dili sila makapauli didto.”