Genesis 34:5

Ang Biblia 2011

Unya nakadungog si Jacob nga si Dina nga iyang anak gipanamastamasan ni Sekem, apan ang iyang mga anak nga lalaki didto sa iyang kahayopan sa kapatagan, busa si Jacob nagpakahilom lamang hangtod nga sila nangabot.

Cross References

Genesis 30:35

Apan gilain ni Laban niadtong adlawa ang mga laking kanding nga binadlisan ug kabang ug ang tanang kanding nga baye nga puntikpuntik ug kabang ug ang tanang kahayopan nga may puti ug ang tanang nating karnero nga itom ug gipiyal niya kini sa iyang mga anak nga lalaki.

Genesis 34:4

Busa si Sekem misulti kang Hamor nga iyang amahan, ug nag-ingon, “Kuhaa alang kanako kining maong dalaga aron mahimo nga akong asawa.”

Genesis 34:6

Ug si Hamor nga amahan ni Sekem miadto kang Jacob aron sa pagpakigsulti kaniya.

Genesis 46:34

ingna ninyo, ‘Ang imong mga ulipon mga tig-atiman sa kahayopan sukad pa sa among pagkabata hangtod karon, kami ug ang among mga ginikanan,’ aron makapuyo kamo sa yuta sa Gosen kay ang tanan nga mga tigbantay sa karnero dulumtanan ngadto sa mga Ehiptohanon.”

2 Samuel 13:22

Apan si Absalom wala mosulti kang Amnon sa maayo o sa daotan; kay si Absalom nagdumot kang Amnon tungod kay iyang gilugos ang iyang igsoon nga babaye nga si Tamar.

Salmo 39:9

Amang ako; dili ako magbuka sa akong baba, kay ikaw ang nagbuhat niini.

Levitico 10:3

Unya si Moises miingon kang Aaron, “Kini mao ang gisulti sa Ginoo, ‘Ipakita nako ang akong kaugalingon nga balaan ngadto kanila nga duol kanako, ug sa atubangan sa tibuok nga katawhan himayaon ako.’ ” Ug si Aaron naghilom lamang.

Lucas 15:25

“Ug ang iyang anak nga magulang didto sa uma, ug sa iyang pag-abot duol sa balay, iyang nadungog ang huni ug pagsayaw.

Lucas 15:29

Apan siya mitubag sa iyang amahan, ‘Tan-awa, sulod niining daghang katuigan nag-alagad ako kanimo ug wala gayod ako mosupak sa imong sugo, apan wala ako nimo hatagi bisan na lang ug nating kanding aron makahimo ako sa pagsadya uban sa akong mga higala.

1 Samuel 10:27

Apan ang ubang mga tawo nga walay pulos nag-ingon, “Unsaon man niining tawhana pagluwas kanato?” Ug ilang gitamay siya ug wala magdala kaniya ug gasa. Apan nagpakahilom lamang siya.

1 Samuel 16:11

Si Samuel miingon kang Jesse, “Ania ba dinhi ang tanan nimong mga anak?” Ug siya miingon, “Aduna pay nahibilin nga kamanghoran ug atua siya nagbantay sa mga karnero.” Ug si Samuel miingon kang Jesse, “Pasugoi ug ipakuha siya, kay dili kita manglingkod hangtod nga moabot siya dinhi.”

1 Samuel 17:15

apan si David nagngadto-nganhi kang Saul aron sa pagpakaon sa mga karnero sa iyang amahan didto sa Betlehem.