Genesis 34:4

Ang Biblia 2011

Busa si Sekem misulti kang Hamor nga iyang amahan, ug nag-ingon, “Kuhaa alang kanako kining maong dalaga aron mahimo nga akong asawa.”

Cross References

Genesis 21:21

Ug nagpuyo siya sa kamingawan sa Paran ug ang iyang inahan nagpili alang kaniya ug usa ka asawa gikan sa yuta sa Ehipto.

Genesis 34:3

Apan ang iyang kalag nadani kang Dina nga anak ni Jacob ug nahigugma siya sa dalaga, ug misulti nga malumo kaniya.

Genesis 34:5

Unya nakadungog si Jacob nga si Dina nga iyang anak gipanamastamasan ni Sekem, apan ang iyang mga anak nga lalaki didto sa iyang kahayopan sa kapatagan, busa si Jacob nagpakahilom lamang hangtod nga sila nangabot.

2 Samuel 13:13

Ako, asa man nako dad-a ang akong kaulaw? Ug mahitungod kanimo, ikaw mahimong sama sa usa sa mga mapatuyangon nga buang sa Israel. Busa karon, ako naghangyo kanimo, sultihi ang hari kay siya dili maghikaw kanako gikan kanimo.”

Jeremias 29:6

Pangasawa kamo ug panganak kamo ug mga anak nga lalaki ug mga anak nga babaye. Pagkuha ug maasawa sa inyong mga anak nga lalaki, ug ihatag ang inyong mga anak nga babaye diha sa kaminyoon aron sila manganak ug mga anak nga lalaki ug mga anak nga babaye. Sanay kamo didto ug ayaw pagpakunhod.

Mga Maghuhukom 14:2

Ug siya mitungas ug misugilon sa iyang amahan ug inahan, “Nakita nako ang usa sa mga anak nga babaye sa mga Filistihanon didto sa Timna, busa karon, kuhaa siya alang kanako aron akong maasawa.”