Genesis 34:1

Ang Biblia 2011

Unya si Dina nga anak ni Lea, nga gipanganak niya kang Jacob, migula aron sa pagduaw sa mga babaye niadtong yutaa.

Cross References

Genesis 26:34

Ug sa nagpanuigon na si Esau ug 40 ka tuig, gipangasawa niya si Judith nga anak ni Beeri nga Hitihanon ug si Basemat nga anak ni Elon nga Hitihanon.

Genesis 27:46

Unya miingon si Rebecca kang Isaac, “Naugtas ako sa akong kinabuhi tungod sa mga babayeng Hitihanon. Kon si Jacob mangasawa sa usa sa mga babayeng Hitihanon nga ingon niini, usa sa mga babaye niining yutaa, unsay kapuslanan sa akong kinabuhi?”

Genesis 28:6

Karon nakita ni Esau nga si Isaac nagpanalangin kang Jacob ug iyang gipalakaw siya ngadto sa Padan-aram sa pagpangasawa ug nga sa iyang pagpanalangin kang Jacob iyang gipahimangnoan siya, “Ayaw pangasawa sa usa sa mga babaye nga Canaanhon.”

Genesis 30:13

Ug si Lea miingon, “Malipayon ako! Kay ang mga babaye magtawag kanako nga bulahan.” Busa ginganlan niya siya ug Aser.

Genesis 30:21

Human niadto nanganak siya ug usa ka bata nga babaye ug gitawag ang iyang ngalan ug Dina.

Genesis 33:20

Ug gipatindog niya didto ang usa ka halaran, ug kini ginganlan niya, “Dios, ang Dios ni Israel.”

Genesis 46:15

Kini sila mao ang mga anak nga lalaki ni Lea nga iyang gipanganak alang kang Jacob didto sa Padan-aram uban sa iyang anak nga babaye nga si Dina. Ang iyang mga anak nga lalaki ug mga anak nga babaye, 33 ang tanan.

Jeremias 2:36

Gipakasayon lang nimo ang paglaaglaag, nagbalhinbalhin sa imong dalan! Ikaw pakaulawan sa Ehipto ingon nga gipakaulawan ikaw sa Asiria.

1 Timoteo 5:13

Gawas pa niana, sila usab nakat-on sa pagkatapolan, sa pagpanumbalay ug dili lamang sa pagkatapolan kondili sa pagpanglibak ug sa pagpanghilabot sa uban, sa pagpanulti sa dili nila angay nga isulti.

Tito 2:5

mabuot, putli, maayong moatiman sa panimalay, mapuangoron, ug masinugtanon sa ilang kaugalingong mga bana, aron ang pulong sa Dios dili mapasipalahan.