Genesis 33:4

Ang Biblia 2011

Apan si Esau midagan sa pagsugat kaniya ug migakos kaniya ug mipauraray sa iyang liog ug mihalok kaniya ug nanghilak sila.

Cross References

Genesis 29:11

Unya si Jacob mihalok kang Raquel ug mihilak ug kusog.

Genesis 29:13

Sa pagkadungog ni Laban sa balita mahitungod kang Jacob, anak sa iyang igsoon nga babaye, midagan siya aron sa pagsugat kaniya. Ug gigakos niya si Jacob ug gihagkan ug gidala niya sa iyang balay. Ug si Jacob misugilon kang Laban sa tanan nga nahitabo.

Genesis 32:11

Luwasa ako, naghangyo ako kanimo, gikan sa kamot sa akong igsoon, gikan sa kamot ni Esau, kay nahadlok ako kaniya, tingali ug moanhi siya ug patyon niya kaming tanan, ang mga inahan uban ang mga anak.

Genesis 32:28

Ug siya miingon, “Ang imong ngalan dili na tawgon ug Jacob kondili Israel, kay nakiglayog man ikaw sa Dios ug sa mga tawo ug midaog ikaw.”

Genesis 43:30

Unya si Jose midali pagbiya kay ang iyang kasingkasing nangandoy alang sa iyang igsoon, ug nangita siya ug dapit aron sa paghilak. Ug misulod siya sa iyang lawak ug mihilak siya didto.

Genesis 43:34

Ug siya mikuha ug pagkaon sa iyang atubangan nga gipahat kanila apan ang pahat ni Benjamin lima ka bahin labaw kay kang bisan kinsa kanila. Ug nanginom sila ug naglipay uban kaniya.

Genesis 45:2

Ug siya mihilak ug kusog ug nakadungog ang mga Ehiptohanon ug nakadungog usab ang panimalay sa Paraon.

Genesis 46:29

Ug gipaandam ni Jose ang iyang sakyanan ug miadto siya sa pagdawat kang Israel nga iyang amahan didto sa Gosen. Unya nagpaila siya sa iyang kaugalingon ngadto kang Jacob ug migakos sa liog sa iyang amahan ug mihilak sa igo nga kadugayon.

2 Samuel 14:33

Unya si Joab miadto sa hari ug gisuginlan niya, ug gipatawag dayon si Absalom. Busa miadto siya sa hari ug giyukbo ang iyang nawong ngadto sa yuta atubangan sa hari ug ang hari mihalok kang Absalom.

Nehemias 1:11

O Ginoo, ako nangamuyo kanimo, papamatia ang imong dalunggan sa pag-ampo sa imong alagad ug sa pag-ampo sa imong mga alagad nga nahinangop sa pagkahadlok sa imong ngalan. Ug hatagi ug kalamposan ang imong alagad karong adlawa ug hatagi siya ug kaluoy sa panan-aw niining tawhana.” Niadtong panahona ako ang tigdala sa kupa sa hari.

Job 2:12

Sa pagkakita nila kaniya sa layo, wala sila makaila kaniya, naninggit sila ug nanghilak. Ilang gigisi ang ilang bisti ug gisabligan ug abog ang ilang mga ulo paingon sa langit.

Salmo 34:4

Gipangita nako ang Ginoo, ug gitubag niya ako, ug giluwas niya ako gikan sa tanan nakong mga kahadlok.

Mga Panultihon 16:7

Kon ang mga pamaagi sa usa ka tawo makapahimuot sa Ginoo, iyang himoon bisan ang iyang mga kaaway nga makigdait kaniya.

Mga Panultihon 21:1

Ang kasingkasing sa hari diha sa kamot sa Ginoo sama sa mga bul-og sa tubig; palikoon niya kini bisan asa nga buot niya.

Lucas 15:20

Ug siya mitindog ug miadto sa iyang amahan. Apan samtang didto pa siya sa layo, nakita siya sa iyang amahan ug kini giabot ug kaluoy, ug midagan ug migakos kaniya ug mihalok kaniya.

Mga Buhat 20:37

Silang tanan mihilak ug si Pablo ilang gigakos ug gihalokan

1 Samuel 20:41

Sa paglakaw na sa bata, si David mibarog gikan sa usa ka dapit padulong sa habagatan ug mihapa sa yuta ug miyukbo sa makatulo ug naghinagkanay sila ug naghinilakay sila, apan labaw gayod ang paghilak ni David.