Genesis 33:11

Ang Biblia 2011

Naghangyo ako kanimo, dawata ang akong gasa nga gidala kanimo, kay ang Dios naluoy kanako ug kay ako adunay igo.” Ug siya namugos kaniya busa gidawat niya kini.

Cross References

Genesis 30:43

Busa ang tawo midato pag-ayo ug nakabaton ug dagkong mga panon sa mga kahayopan, ug mga ulipon nga babaye ug mga ulipon nga lalaki ug mga kamilyo ug mga asno.

Genesis 32:21

Busa ang gasa nag-una kaniya apan siya nagpabilin niadtong gabhiona didto sa kampo.

Genesis 33:10

Ug si Jacob miingon, “Dili, naghangyo ako kanimo. Kon ako nakakaplag karon ug kahimuot diha sa imong mga mata, dawata ang akong gasa gikan sa akong mga kamot, kay sa pagkatinuod, ang pagkakita nako sa imong nawong, sama sa pagkakita nako sa nawong sa Dios, kay gidawat nimo ako uban ang kahimuot.

Genesis 33:12

Unya si Esau miingon, “Mopadayon kita sa atong panaw ug ako mag-una kanimo.”

Genesis 33:9

Apan si Esau miingon, “Aduna akoy igo, igsoon ko. Tipigi lamang ang anaa kanimo.”

2 Mga Hari 2:17

Apan sa diha nga gipugos nila siya hangtod nga siya naulaw, siya miingon, “Ipadala sila.” Busa nagpadala sila ug 50 ka tawo ug nangita sila sulod sa tulo ka adlaw apan wala siya makit-i.

2 Mga Hari 5:23

Ug si Naaman miingon, “Ikalipay ang pagkuha sa duha ka talanton.” Ug iyang gipugos siya, ug giputos ang duha ka talanton nga plata sa duha puntil, lakip ang duha ka mahalon nga bisti, ug gipalukdo sa duha sa iyang mga sulugoon ug ilang gidala kini sa atubangan ni Gihasi.

Lucas 14:23

Ang agalon miingon, ‘Lakaw ngadto sa kadalanan ug sa kasuokan ug pugsa ang mga tawo sa pag-anhi aron mapuno kining akong balay.

1 Mga Taga-Corinto 3:21

Busa walay usa nga angayng magpasigarbo diha sa mga tawo kay inyo ang tanang mga butang,

2 Mga Taga-Corinto 6:10

ingon nga mga masulub-on apan sa kanunay malipayon, ingon nga mga kabos apan nagpadato sa daghang tawo, ingon nga mga walay nahot apan nakabaton sa tanang mga butang.

Mga Taga-Filipos 4:18

Apan ania na kanako ang tanang butang ug naghingapin pa gani. Nasangkapan na ako kay akong nadawat gikan kang Epafrodito ang mga butang gikan kaninyo, humot nga halad, usa ka halad nga inihaw nga hinangponon ug makapahimuot sa Dios.

1 Timoteo 4:8

kay ang lawasnon nga pagbansay may kapuslanan usab, apan ang pagkadiosnon mapuslanon gayod sa tanang paagi, ingon nga kini adunay saad sa kinabuhi karon ug sa umaabot.

Josue 15:19

Si Acsa mitubag kaniya, “Hatagi ako ug gasa kay imo man akong gibutang sa yuta sa Negeb, hatagi usab ako ug mga tuboran sa tubig.” Busa gihatagan siya ni Caleb sa mga tuboran sa ibabaw ug sa mga tuboran sa ubos.

Mga Maghuhukom 1:15

Si Acsa miingon kaniya, “Hatagi ako ug usa ka gasa kay ikaw nagpahimutang man kanako sa yuta sa Negeb, hatagi usab ako ug mga tuboran sa tubig.” Ug gihatag ni Caleb kaniya ang mga tuboran sa ibabaw ug ang mga tuboran sa ubos.

1 Samuel 25:27

Karon kining gasa nga gidala sa imong sulugoon alang sa akong agalon ihatag ngadto sa mga batan-ong lalaki nga nagsunod sa akong agalon.

1 Samuel 30:26

Sa pag-abot ni David sa Ziklag, gipadala niya ang ubang mga inilog ngadto sa mga kadagkoan sa Juda, sa iyang mga higala, nga nag-ingon, “Aniay usa ka gasa alang kaninyo gikan sa inilog sa mga kaaway sa Ginoo.”