Genesis 33:10

Ang Biblia 2011

Ug si Jacob miingon, “Dili, naghangyo ako kanimo. Kon ako nakakaplag karon ug kahimuot diha sa imong mga mata, dawata ang akong gasa gikan sa akong mga kamot, kay sa pagkatinuod, ang pagkakita nako sa imong nawong, sama sa pagkakita nako sa nawong sa Dios, kay gidawat nimo ako uban ang kahimuot.

Cross References

Genesis 19:19

Tan-awa, ang imong ulipon nakapahimuot sa imong mga mata, ug gipakita nimo ang dakong kaluoy ngari kanako sa pagluwas sa akong kinabuhi, apan dili ako makapahilayo ngadto sa kabukiran, kay tingali unya ug maapsan ako sa katalagman ug mamatay ako.

Genesis 32:30

Ug ginganlan ni Jacob kadtong dapita ug Peniel, nga nag-ingon, “Nakita nako ang Dios sa nawong ug nawong ug nagpabilin ako nga buhi.”

Genesis 33:11

Naghangyo ako kanimo, dawata ang akong gasa nga gidala kanimo, kay ang Dios naluoy kanako ug kay ako adunay igo.” Ug siya namugos kaniya busa gidawat niya kini.

Genesis 33:9

Apan si Esau miingon, “Aduna akoy igo, igsoon ko. Tipigi lamang ang anaa kanimo.”

Genesis 43:3

Apan si Juda miingon kaniya, “Ang tawo nagpahayag gayod kanamo nga nag-ingon, ‘Dili na kamo makakita sa akong nawong gawas kon ang inyong igsoon nga lalaki uban kaninyo.’

Genesis 47:29

Ug sa nagkaduol na ang adlaw sa kamatayon ni Israel, iyang gitawag si Jose nga iyang anak ug giingnan, “Kon nakakaplag ako karon ug kahimuot sa imong mga mata, hangyoon ko ikaw, nga ibutang nimo ang imong kamot sa ilalom sa akong paa ug panaad nga magmaunongon ug magmatinud-anon ikaw kanako. Naghangyo ako kanimo nga ayaw ako ilubong sa Ehipto.

Genesis 50:4

Ug sa nahuman na ang mga adlaw sa pagbangutan alang kaniya, si Jose misulti sa panimalay sa Paraon nga nag-ingon, “Kon ako makakaplag karon ug kaluoy sa inyong mga mata, hangyoon ko kamo, nga isulti ninyo kini sa igdulungog sa Paraon nga mag-ingon,

2 Samuel 14:24

Ug ang hari miingon, “Itugot nga mopauli siya sa iyang balay, apan dili siya moanhi sa akong atubangan.” Busa si Absalom mibalik sa iyang kaugalingong balay ug wala moadto sa atubangan sa hari.

2 Samuel 14:28

Busa si Absalom mipuyo sa tibuok duha ka tuig didto sa Jerusalem ug wala gayod moadto sa atubangan sa hari.

2 Samuel 14:32

Ug si Absalom mitubag kang Joab, “Tan-awa, gipasugoan ko ikaw, ‘Anhi dinhi, aron paadtoon ko ikaw ngadto sa hari aron mangutana, “Nganong mianhi ako gikan sa Gesur? Maayo alang kanako nga didto pa gihapon ako.” Busa karon paadtoa ako sa atubangan sa hari ug kon aduna akoy sala ipapatay ako niya.’ ”

2 Samuel 3:13

Ug siya miingon, “Maayo, ako maghimo ug kasabotan uban kanimo, apan usa ka butang ang akong pangayoon gikan kanimo, nga dili ikaw makakita sa akong nawong gawas kon ikaw magdala kang Mical nga anak ni Saul, sa diha nga ikaw moanhi sa pagtan-aw sa akong nawong.”

Job 33:26

unya ang tawo mag-ampo sa Dios, ug siya modawat kaniya, moadto siya sa iyang atubangan uban ang kalipay. Iuli niya sa tawo ang iyang pagkamatarong,

Salmo 41:11

Pinaagi niini maila nako nga ikaw nahimuot kanako, tungod kay ang akong kaaway dili man makadaog batok kanako.

Jeremias 31:2

Mao kini ang giingon sa Ginoo: “Ang katawhan nga nakalingkawas sa espada nakakaplag ug grasya didto sa kamingawan; sa diha nga si Israel nangita ug pahulay,

Mateo 18:10

“Matngoni ninyo nga walay usa niining mga gagmay nga inyong tamayon kay sultihan ko kamo nga didto sa kalangitan ang ilang mga anghel kanunayng nagsud-ong sa nawong sa akong Amahan nga anaa sa langit.

Gipadayag 22:4

Sila magsud-ong sa iyang nawong, ug ang iyang ngalan anha sa ilang mga agtang.

Ruth 2:10

Unya si Ruth miyukbo, ug miduko ngadto sa yuta ug miingon kaniya, “Nganong nakakaplag man ako ug kaluoy sa imong mga mata, nga ikaw motagad kanako nga ako usa man ka langyaw?”

1 Samuel 20:3

Apan si David nanumpa pag-usab, “Ang imong amahan nahibalo kaayo nga ako nakapahimuot sa imong mga mata ug siya miingon, ‘Ayaw pahibaloa si Jonatan niini kay tingali unya ug masubo siya.’ Sa pagkatinuod, ingon nga ang Ginoo buhi, ug ingon nga ang imong kalag buhi, usa na lamang ka lakang ang nakaulang kanako ug sa kamatayon.”