Genesis 32:30

Ang Biblia 2011

Ug ginganlan ni Jacob kadtong dapita ug Peniel, nga nag-ingon, “Nakita nako ang Dios sa nawong ug nawong ug nagpabilin ako nga buhi.”

Cross References

Genesis 16:13

Unya gitawag niya ang ngalan sa Ginoo nga nakigsulti kaniya, “Ikaw mao ang Dios nga nagtan-aw,” kay siya miingon, “Nakakita ba gayod ako sa Dios ug nagpabiling buhi human ako nakakita kaniya?”

Genesis 28:19

Ug kadtong dapita ginganlan niya ug Betel apan sa sinugdan ang ngalan niadtong lungsora Luz.

Genesis 35:9

Unya ang Dios mipakita pag-usab kang Jacob sa pagbalik niya gikan sa Padan-aram ug gipanalanginan siya.

1 Mga Hari 12:25

Unya gitukod ni Jeroboam ang Sekem didto sa kabungtoran sa Efraim ug mipuyo siya didto, ug mibiya siya gikan didto ug gitukod ang Penuel.

Exodo 33:14

Ug ang Ginoo miingon, “Ang akong presensiya mag-uban kanimo, ug ako maghatag kanimo ug pahulay.”

Isaias 6:5

Unya miingon ako, “Alaot ako! Kay ako nawala; tungod kay ako usa ka tawo nga hugaw ug mga ngabil; ug ako nagpuyo taliwala sa mga tawo nga hugaw ug mga ngabil; kay ang akong mga mata nakakita sa Hari, ang Ginoo sa mga panon!”

Isaias 9:5

Kay ang tanang sapatos sa mga sundalo diha sa gubat ug ang tanang bisti nga natumog sa dugo, sunogon ingon nga sugnod sa kalayo.

Numeros 12:8

Uban kaniya makigsulti ako baba sa baba, sa dayag gayod ug dili pinaagi sa mga tanghaga, ug makita niya ang dagway sa Ginoo. Busa nganong wala man kamoy kahadlok sa pagsulti batok sa akong alagad nga si Moises?”

Juan 1:18

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

1 Mga Taga-Corinto 13:12

Kay sa pagkakaron, ang atong makita sa salamin hanap lamang nga panagway apan unya sa nawong ug nawong na. Sa pagkakaron, bahin lamang ang akong nahibaloan, apan unya masabtan ra nako ang tanan, ingon nga ang tanan kanako nasabtan.

2 Mga Taga-Corinto 3:18

Ug kitang tanan, nga dili tinabonan ang nawong, sa nagsud-ong kita sa himaya sa Ginoo sama diha sa salamin, giusab kita ngadto sa pagkasama sa iyang dagway gikan sa himaya ngadto sa himaya kay kini gikan man sa Ginoo, ang Espiritu.

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.

Mga Taga-Galacia 1:6

Nahibulong ako nga dali kamong mitalikod kaniya nga nagtawag kaninyo diha sa grasya ni Cristo ug mibalhin sa laing maayong balita,

Mga Taga-Efeso 1:17

nga unta ang Dios sa atong Ginoong Jesu-Cristo, ang mahimayaong Amahan, maghatag kaninyo sa espiritu sa kaalam ug sa pagpadayag diha sa kahibalo mahitungod kaniya,

Deuteronomio 34:10

Ug wala na gayoy mitungha nga propeta sa Israel nga sama kang Moises nga nailhan sa Ginoo sa nawong ug nawong,

Deuteronomio 5:24

Ug miingon kamo, ‘Tan-awa, ang Ginoo nga atong Dios nagpakita kanato sa iyang himaya ug sa iyang pagkagamhanan ug atong nadungog ang iyang tingog gikan sa taliwala sa kalayo. Nakita nato niining adlawa nga ang Dios nakigsulti sa tawo ug ang tawo buhi gihapon.

Mga Taga-Colosas 1:15

Siya mao ang dagway sa dili makita nga Dios, ang panganay sa tibuok nga kabuhatan.

2 Timoteo 1:10

apan karon iyang gipadayag kini pinaagi sa pagpakita sa atong Manluluwas nga si Cristo Jesus, nga nagbuntog sa kamatayon ug nagdala ug kinabuhi ug pagkawalay kamatayon ngadto sa kahayag pinaagi sa Maayong Balita.

Mga Hebreo 11:27

Tungod sa pagtuo siya mibiya sa Ehipto, nga wala mahadlok sa kasuko sa hari, kay siya milahutay man ingon nga nakakita siya kaniya nga dili makita.

Josue 5:13

Sa diha nga si Josue duol na sa Jerico, iyang giyahat ang iyang mga mata ug mitan-aw ug nakita niya nga may usa ka tawo nga nagtindog sa iyang atubangan nga nagdala ug usa ka espada nga gihulbot gikan sa sakoban diha sa iyang kamot ug si Josue miduol kaniya ug miingon kaniya, “Dapig ba ikaw kanamo o sa among mga kaaway?”

Mga Maghuhukom 13:17

Ug si Manoa miingon sa anghel sa Ginoo, “Unsay imong ngalan aron nga kon ang imong pulong matinuod magpasidungog kami kanimo?”

Mga Maghuhukom 13:18

Ang anghel sa Ginoo miingon kaniya, “Nganong nangutana man ikaw sa akong ngalan, sa pagtan-aw nimo nga kahibulongan kini?”

Mga Maghuhukom 8:17

Ug iyang giguba ang tore sa Penuel ug gipatay ang mga tawo sa siyudad.

Mga Maghuhukom 8:8

Ug gikan didto mitungas siya sa Penuel ug misulti kanila sa samang paagi ug ang mga tawo sa Penuel mitubag kaniya sama sa pagtubag sa mga tawo sa Sucot.