Genesis 32:26

Ang Biblia 2011

Ug siya miingon, “Buhii ako kay banagbanag na.” Apan mitubag kaniya si Jacob, “Dili ko ikaw buhian hangtod nga panalanginan nimo ako.”

Cross References

Genesis 32:25

Ug sa pagkakita sa tawo nga siya dili makabuntog kang Jacob, gisumbag niya ang tampihak sa iyang bat-ang ug nalisa ang bat-ang ni Jacob samtang siya nakiglayog pa kaniya.

Genesis 32:27

Ug siya miingon kaniya, “Unsay imong ngalan?” Ug siya mitubag, “Si Jacob.”

1 Cronicas 4:10

Si Jabes nagsangpit sa Dios sa Israel, nga nag-ingon, “O, hinaot unta nga panalanginan nimo ako ug padak-an ang akong utlanan ug nga ang imong kamot mag-uban kanako ug ikaw maglikay kanako gikan sa kadaotan aron dili kini makadaot kanako!” Ug ang Dios mihatag kaniya sa iyang gipangayo.

Salmo 67:1

Ang Dios magmaluluy-on unta kanato ug magpanalangin kanato ug magpasidlak sa iyang nawong ibabaw kanato, Selah

Exodo 32:10

Busa karon, pasagdi ako nga ang akong kaligutgot mosilaob batok kanila ug puohon nako sila, apan ikaw buhaton nga usa ka dakong nasod.”

Awit sa mga Awit 3:4

Dili pa dugay nga ako milabay kanila, sa diha nga nakaplagan nako siya nga gihigugma sa akong kalag. Gipugngan nako siya, ug wala nako siya palakta hangtod nga nadala nako siya sa balay sa akong inahan, ug ngadto sa lawak niya nga nagsamkon kanako.

Awit sa mga Awit 7:5

Ang imong ulo nagpurongpurong kanimo sama sa Carmel, ug ang buhok sa imong ulo sama sa purpura; ang hari nahimong binihag sa mga kulong niini.

Isaias 45:11

Kini mao ang giingon sa Ginoo, ang Balaan sa Israel ug ang iyang Magbubuhat: “Pangutan-on ba nimo ako mahitungod sa akong mga anak, o mandoan ako mahitungod sa buhat sa akong mga kamot?

Isaias 64:7

Walay usa nga nagtawag sa imong ngalan, nga nagpadasig sa iyang kaugalingon aron sa pagkupot kanimo; kay gitagoan man nimo ang imong nawong gikan kanamo, ug gitugyan kami ngadto sa among kasal-anan.

Oseas 12:4

Siya nakigbisog sa anghel ug midaog, siya mihilak ug nangaliyupo sa iyang kaayo. Gikatagbo niya ang Dios didto sa Betel ug didto nakigsulti siya kaniya,

Roma 8:37

Dili! Hinuon diha niining tanang mga butang kita labaw pa sa mga mananaog pinaagi kaniya nga nahigugma kanato.

1 Mga Taga-Corinto 15:58

Busa, hinigugma kong mga igsoon, pagmalig-on kamo, dili matarog, magmadagayaon kanunay sa buluhaton sa Ginoo, kay nasayod man kamo nga diha sa Ginoo ang inyong paghago dili makawang.

Deuteronomio 9:14

Pasagdi ako aron laglagon nako sila ug papason nako ang ilang ngalan gikan sa ubos sa langit ug buhaton ko ikaw nga usa ka nasod nga gamhanan ug dako pa kay kanila.’

Mga Hebreo 5:7

Sa mga adlaw sa tawhanon niyang kinabuhi, nag-ampo ug nangamuyo siya uban sa kusog nga mga singgit ug hilak ngadto sa makahimo sa pagluwas kaniya gikan sa kamatayon ug siya gidungog tungod sa iyang diosnong kahadlok.