Genesis 32:21

Ang Biblia 2011

Busa ang gasa nag-una kaniya apan siya nagpabilin niadtong gabhiona didto sa kampo.

Cross References

Genesis 32:20

Ug ingna siya ninyo, ‘Ania usab karon, ang imong alagad nga si Jacob, nagsunod kanamo.’ ” Kay siya naghunahuna, “Hupayon nako ang iyang kaligutgot pinaagi sa gasa nga nag-una kanako. Ug human niini, tan-awon nako ang iyang nawong, basin ug dawaton niya ako.”

Genesis 32:22

Niadtong gabhiona nangandam siya ug gikuha niya ang iyang duha ka asawa, ug ang iyang duha ka sulugoon nga babaye ug ang iyang napulo ug usa ka anak ug mitabok sa labnganan sa Jabok.

Genesis 33:11

Naghangyo ako kanimo, dawata ang akong gasa nga gidala kanimo, kay ang Dios naluoy kanako ug kay ako adunay igo.” Ug siya namugos kaniya busa gidawat niya kini.

Genesis 43:11

Unya si Israel nga ilang amahan miingon kanila, “Kon mao na gayod kini, buhata kana ninyo. Pagdala kamo sa labing maayong bunga sulod sa inyong mga sudlanan ug dad-i ninyo kadtong tawo ug usa ka gasa, diyotay nga haplas ug diyotay nga dugos, mga lamas humot nga tagok sa kahoy ug mira, mga pistasio ug mga almendras.

Mga Panultihon 17:8

Ang suborno sama sa usa ka bililhong bato diha sa mga mata sa naghatag niini; bisan diin siya moliso mouswag siya.

Josue 8:9

Busa gipaadto sila ni Josue ug nangadto sila sa dapit nga ilang tagoan ug mipabilin sila sa taliwala sa Betel ug sa Ai, dapit sa kasadpan sa Ai, apan niadtong gabhiona si Josue mipahulay uban sa katawhan.

1 Samuel 25:19

Ug siya miingon sa iyang mga batan-ong lalaki, “Lakaw una kanako, ug ako magsunod kaninyo.” Apan wala niya suginli ang iyang bana nga si Nabal.