Genesis 32:20

Ang Biblia 2011

Ug ingna siya ninyo, ‘Ania usab karon, ang imong alagad nga si Jacob, nagsunod kanamo.’ ” Kay siya naghunahuna, “Hupayon nako ang iyang kaligutgot pinaagi sa gasa nga nag-una kanako. Ug human niini, tan-awon nako ang iyang nawong, basin ug dawaton niya ako.”

Cross References

Genesis 32:19

Ug sa ingon, nagtugon usab siya sa ikaduha ug sa ikatulo ug sa tanan nga mga nagsunod sa mga panon, “Mao gihapon ang isulti ninyo kang Esau kon kamo masugatan niya.

Genesis 32:21

Busa ang gasa nag-una kaniya apan siya nagpabilin niadtong gabhiona didto sa kampo.

Genesis 43:11

Unya si Israel nga ilang amahan miingon kanila, “Kon mao na gayod kini, buhata kana ninyo. Pagdala kamo sa labing maayong bunga sulod sa inyong mga sudlanan ug dad-i ninyo kadtong tawo ug usa ka gasa, diyotay nga haplas ug diyotay nga dugos, mga lamas humot nga tagok sa kahoy ug mira, mga pistasio ug mga almendras.

1 Mga Hari 20:31

Ug ang iyang mga sulugoon miingon kaniya, “Kami nakadungog karon nga ang mga hari sa balay sa Israel maluluy-on nga mga hari, kami naghangyo kanimo, tugoti kami nga magbutang ug sako sa among mga hawak ug mga pisi sa among mga ulo ug mangadto sa hari sa Israel, kay basin ug luwason niya ang imong kinabuhi.”

Mga Panultihon 15:18

Ang usa ka tawo nga masuk-anon naghagit ug panag-away, apan siya nga hinay sa pagkasuko nagpahilom sa panagbingkil.

Mga Panultihon 16:14

Ang kapungot sa usa ka hari sama sa mga sinugo sa kamatayon, ug ang tawo nga maalamon mopuypoy niini.

Mga Panultihon 18:16

Ang gasa sa usa ka tawo maghimo ug lawak alang kaniya, ug magdala kaniya sa atubangan sa mga dagkong tawo.

Mga Panultihon 21:14

Ang usa ka gasa sa tago maghupay sa kasuko; ug ang suborno diha sa sabakan, sa hilabihan nga kasuko.

Mga Panultihon 6:35

Dili siya modawat ug bisan unsang bayad, o malukmay bisan pa ug daghanon nimo ang mga gasa.

Jonas 3:9

Kinsa ang nasayod kon ang Dios dili ba motalikod ug masubo ug mobiya sa iyang bangis nga kasuko aron dili kita mangamatay?”

2 Timoteo 2:25

Uban sa kalumo kinahanglang magbadlong siya sa nagsupak kaniya, kay basin ug itugot sa Dios nga sila maghinulsol ug modangat sa pag-ila sa kamatuoran,

1 Samuel 6:5

Busa kinahanglang maghimo kamo ug mga larawan sa inyong mga hubag ug mga larawan sa inyong mga ilaga nga nagdaot sa yuta ug maghatag kamo ug himaya ngadto sa Dios sa Israel, basin pa nga siya magpagaan sa iyang kamot gikan kaninyo ug sa inyong mga dios ug sa inyong yuta.