Genesis 32:13

Ang Biblia 2011

Busa nagpabilin siya didto niadtong gabhiona ug nagkuha siya gikan sa mga butang nga diha kaniya, usa ka gasa alang kang Esau nga iyang igsoon:

Cross References

Genesis 13:16

Buhaton nako ang imong mga kaliwat nga ingon sa abog sa yuta, nga kon adunay tawo nga makaihap sa abog sa yuta, ang imong kaliwatan usab mahimong maihap.

Genesis 15:5

Ug gipagula niya siya ug giingnan, “Hangad sa langit ug ihapa ang mga bituon kon makahimo ka ba sa pag-ihap kanila.” Ug siya miingon kaniya, “Ingon usab niana ang imong kaliwatan.”

Genesis 18:2

Giyahat niya ang iyang mga mata, ug mitan-aw siya ug nakita niya nga dihay tulo ka tawo nga nagtindog atbang kaniya, ug sa iyang pagkakita kanila, midagan siya gikan sa pultahan sa iyang tolda aron sa pagtagbo kanila ug siya mihapa sa yuta.

Genesis 22:17

ikaw panalanginan gayod nako ug akong padaghanon ang imong mga kaliwat sama sa mga bituon sa langit ug ingon sa balas nga anaa sa baybayon sa dagat, ug ang imong mga kaliwat manag-iya sa ganghaan sa ilang mga kaaway.

Genesis 32:14

duha ka gatos ka buok kanding nga baye ug 20 ka buok kanding nga laki, duha ka gatos ka buok nga karnero nga baye ug 20 ka buok karnero nga laki,

Genesis 33:10

Ug si Jacob miingon, “Dili, naghangyo ako kanimo. Kon ako nakakaplag karon ug kahimuot diha sa imong mga mata, dawata ang akong gasa gikan sa akong mga kamot, kay sa pagkatinuod, ang pagkakita nako sa imong nawong, sama sa pagkakita nako sa nawong sa Dios, kay gidawat nimo ako uban ang kahimuot.

Genesis 33:8

Si Esau miingon, “Unsa bay ipasabot nimo niadtong mga pundok nga akong nasugatan?” Ug siya mitubag, “Aron kahimut-an ako sa mga mata sa akong agalon.”

Genesis 42:6

Niadtong panahona si Jose maoy gobernador sa yuta, siya mao ang nagbaligya sa pagkaon ngadto sa tanang katawhan sa yuta. Ug ang mga igsoong lalaki ni Jose nangabot, ug miyukbo atubangan kaniya ug ang ilang mga nawong paatubang sa yuta.

Genesis 43:11

Unya si Israel nga ilang amahan miingon kanila, “Kon mao na gayod kini, buhata kana ninyo. Pagdala kamo sa labing maayong bunga sulod sa inyong mga sudlanan ug dad-i ninyo kadtong tawo ug usa ka gasa, diyotay nga haplas ug diyotay nga dugos, mga lamas humot nga tagok sa kahoy ug mira, mga pistasio ug mga almendras.

Genesis 43:26

Sa dihang miabot na si Jose sa balay, ilang gidala kaniya sa sulod sa balay ang mga gasa nga diha kanila ug miyukbo sila kaniya ngadto sa yuta.

Nehemias 4:13

Busa diha sa kinaubsang dapit luyo sa paril, sa hawan nga dapit, akong gibutang ang katawhan sumala sa ilang mga panimalay uban sa ilang mga espada, sa ilang mga bangkaw ug sa ilang mga pana.

Mga Panultihon 17:8

Ang suborno sama sa usa ka bililhong bato diha sa mga mata sa naghatag niini; bisan diin siya moliso mouswag siya.

Mga Panultihon 18:16

Ang gasa sa usa ka tawo maghimo ug lawak alang kaniya, ug magdala kaniya sa atubangan sa mga dagkong tawo.

Mga Panultihon 19:6

Daghan ang mangita sa kaluoy sa mahinatagon nga tawo, ug ang matag usa higala sa tawo nga manghatag ug mga gasa.

Mga Panultihon 21:14

Ang usa ka gasa sa tago maghupay sa kasuko; ug ang suborno diha sa sabakan, sa hilabihan nga kasuko.

1 Samuel 25:27

Karon kining gasa nga gidala sa imong sulugoon alang sa akong agalon ihatag ngadto sa mga batan-ong lalaki nga nagsunod sa akong agalon.

1 Samuel 25:8

Pangutan-a ang imong mga imong batan-ong lalaki ug sila mosulti kanimo. Busa itugot nga ang akong mga batan-ong lalaki makakaplag ug kahimuot sa imong mga mata kay kami mianhi sa usa ka maayong adlaw. Naghangyo ako, ihatag ang bisan unsa nga anaa sa imong kamot ngadto sa imong mga sulugoon ug sa imong anak nga si David.’ ”