Genesis 32:11

Ang Biblia 2011

Luwasa ako, naghangyo ako kanimo, gikan sa kamot sa akong igsoon, gikan sa kamot ni Esau, kay nahadlok ako kaniya, tingali ug moanhi siya ug patyon niya kaming tanan, ang mga inahan uban ang mga anak.

Cross References

Genesis 24:27

Ug siya miingon, “Dalaygon ang Ginoo, ang Dios sa akong agalon nga si Abraham, nga wala maghikaw sa iyang kaluoy ug sa iyang pagkamatinumanon ngadto sa akong agalon. Ug ako gitultolan sa Ginoo sa dalan ngadto sa balay sa mga kadugo sa akong agalon.”

Genesis 27:41

Busa si Esau nagdumot kang Jacob tungod sa panalangin nga gipanalangin kaniya sa iyang amahan ug miingon siya sa iyang kaugalingon, “Duol na ang mga adlaw sa pagbangutan tungod sa akong amahan, unya patyon nako si Jacob nga akong igsoon.”

Genesis 27:42

Apan gisuginlan si Rebecca sa mga pulong ni Esau nga kamagulangan niyang anak, busa iyang gipasugoan ug gipatawag si Jacob, ang kamanghoran niyang anak ug giingnan siya, “Tan-awa, si Esau nga imong igsoon naghupay sa iyang kaugalingon pinaagi sa paglaraw sa pagpatay kanimo.

Genesis 32:3

Ug si Jacob nagsugo ug mga sulugoon una kaniya ngadto kang Esau nga iyang igsoon didto sa yuta sa Seir, sa kayutaan sa Edom,

Genesis 32:7

Unya si Jacob nahadlok sa hilabihan gayod ug nabalisa siya. Ug iyang gibahin ang iyang mga tawo nga diha uban kaniya ug ang mga panon sa kahayopan ug ang mga baka ug ang mga kamilyo ngadto sa duha ka pundok.

Genesis 33:4

Apan si Esau midagan sa pagsugat kaniya ug migakos kaniya ug mipauraray sa iyang liog ug mihalok kaniya ug nanghilak sila.

2 Samuel 7:18

Unya si Hari David misulod ug milingkod sa atubangan sa Ginoo, ug miingon, “Kinsa ako, O Ginoong Dios, ug unsa ba ang akong balay nga gidala man nimo ako hangtod niini nga kalayoon?

Salmo 119:134

Luwasa ako gikan sa pagdaogdaog sa tawo, aron magtuman ako sa imong mga lagda.

Salmo 142:6

Patalinghogi ang akong pagtuaw; kay gipaubos ako pag-ayo! Luwasa ako gikan sa mga naglutos kanako; kay sila hilabihan ka kusgan alang kanako!

Salmo 16:1

Panalipdi ako, O Dios, kay diha kanimo midangop ako.

Salmo 25:20

Bantayi intawon ang akong kinabuhi ug luwasa ako; ayaw itugot nga maulawan ako kay ako midangop man kanimo.

Salmo 31:2

Ikiling ang imong igdulungog nganhi kanako, dalia intawon ako pagluwas! Mahimo unta ikaw nga batong dalangpanan kanako, usa ka lig-ong kuta aron sa pagluwas kanako!

Salmo 43:1

Pamatud-i ako nga matarong, O Dios, ug labani ang akong katungod batok sa usa ka katawhan nga dili diosnon; luwasa ako gikan sa mga tawo nga limbongan ug dili matarong!

Mga Panultihon 18:19

Ang igsoon nga nahiubos sama sa usa ka lig-ong siyudad nga lisod sudlon, apan ang panag-away sama sa mga trangka sa usa ka palasyo.

Daniel 3:17

Kon mao kana, ang among Dios nga among gialagaran makahimo sa pagluwas kanamo gikan sa hudno nga nagdilaab sa kalayo ug siya magluwas kanamo gikan sa imong kamot, O hari.

Oseas 10:14

busa ang kagubot sa gubat moalsa batok sa imong katawhan, ug ang tanan nimong mga kuta lumpagon, sama sa paglumpag ni Salman sa Bet-arbel sa adlaw sa gubat; ang mga inahan gipangdugmok uban sa ilang mga anak.

Mateo 6:13

ug ayaw kami itugyan sa pagsulay kondili luwasa kami gikan sa daotan.

Deuteronomio 22:6

“Kon mahitabo nga makakaplag ikaw ug salag sa langgam diha sa bisan unsang kahoy o sa yuta nga adunay kuyabog o sa mga itlog ug ang inahan nagluob sa mga kuyabog o sa mga itlog, ayaw kuhaa ang inahan uban sa mga kuyabog.

1 Samuel 12:10

Unya sila mituaw ngadto sa Ginoo ug miingon, ‘Kami nakasala tungod kay among gitalikdan ang Ginoo ug nag-alagad sa mga Baal ug sa Astarot, apan karon luwasa kami gikan sa kamot sa among mga kaaway ug kami mag-alagad kanimo.’

1 Samuel 24:15

Ang Ginoo mao unta ang maghukom ug mohatag sa paghukom taliwala kanako ug kanimo ug motan-aw ug molaban sa akong katungod ug magluwas kanako gikan sa imong kamot.”