Genesis 30:4

Ang Biblia 2011

Busa iyang gihatag kaniya si Bilha nga iyang ulipon aron maasawa ug si Jacob misulod ngadto kaniya.

Cross References

Genesis 16:2

Busa si Sarai miingon kang Abram, “Tan-awa, gipugngan sa Ginoo nga ako makaanak; sulod ngadto sa akong ulipon nga babaye, basin ug makaangkon ako ug mga anak pinaagi kaniya.” Ug gipatalinghogan ni Abram ang tingog ni Sarai.

Genesis 21:10

Busa miingon siya kang Abraham, “Hinginli kining ulipon nga babaye ug ang iyang anak, kay ang anak sa babayeng ulipon dili makapanunod uban sa akong anak nga si Isaac.”

Genesis 22:24

Ug ang iyang puyopuyo nga ginganlan ug Reuma nanganak usab kang Teba, kang Gaham, kang Tahas ug kang Maaca.

Genesis 25:1

Unya si Abraham nangasawa na usab ug lain, nga ginganlan ug Ketura.

Genesis 25:6

Apan ngadto sa mga anak nga lalaki sa iyang mga puyopuyo, si Abraham mihatag kanila ug mga gasa. Ug sa dihang buhi pa siya gipalakaw niya sila layo kang Isaac nga iyang anak, ngadto sa silangan nga kayutaan.

Genesis 29:29

Ug gihatag ni Laban kang Raquel nga iyang anak si Bilha nga iyang ulipon ingon nga iyang sulugoon.

Genesis 30:5

Ug nagsamkon si Bilha ug nanganak alang kang Jacob ug usa ka batang lalaki.

Genesis 33:2

Ug gibutang niya ang mga sulugoon nga babaye ug ang ilang mga bata sa unahan ug gipasunod si Lea ug ang iyang mga bata ug si Raquel ug si Jose didto sa ulahi.

Genesis 35:22

Samtang nagpuyo si Israel niadtong yutaa, si Ruben misulod ug mihigda uban kang Bilha nga puyopuyo sa iyang amahan ug nadunggan kini ni Israel. Ang mga anak nga lalaki ni Israel napulo ug duha.

Genesis 46:25

Kini sila mao ang mga anak nga lalaki ni Bilha nga gihatag ni Laban kang Raquel nga anak niyang babaye, ug nanganak siya alang kang Jacob. Ang tanan pito ka tawo.

2 Samuel 12:11

Tungod niini ang Ginoo nag-ingon, ‘Tan-awa, patunghaon nako ang daotan batok kanimo gikan sa imong kaugalingong balay ug akong kuhaon ang imong mga asawa sa atubangan sa imong mga mata ug ihatag nako sila ngadto sa imong silingan ug siya mohigda tipon sa imong mga asawa sa adlawng dako.