Genesis 30:22

Ang Biblia 2011

Unya nahinumdom ang Dios kang Raquel ug ang Dios nagpatalinghog kaniya ug giablihan ang iyang taguangkan.

Cross References

Genesis 25:21

Ug nag-ampo si Isaac sa Ginoo alang sa iyang asawa, tungod kay siya dili makaanak ug ang Ginoo mitubag sa iyang pag-ampo ug nagsamkon si Rebecca nga iyang asawa.

Genesis 29:31

Sa dihang nakita sa Ginoo nga gikasilagan si Lea, giablihan niya ang iyang taguangkan apan si Raquel wala makaanak.

Genesis 30:2

Ug ang kasuko ni Jacob nahaling batok kang Raquel, ug miingon siya, “Anaa ba ako sa dapit sa Dios nga naghikaw kanimo sa bunga sa imong taguangkan?”

Genesis 30:21

Human niadto nanganak siya ug usa ka bata nga babaye ug gitawag ang iyang ngalan ug Dina.

Genesis 35:24

Ang mga anak ni Raquel: si Jose ug si Benjamin.

Genesis 8:1

Apan ang Dios nahinumdom kang Noe ug sa tanan nga mga mananap ug sa tanang kahayopan nga uban kaniya didto sa arka. Ug gipahuros sa Dios ang usa ka hangin sa ibabaw sa kalibotan, ug mianam paghubas ang tubig.

Salmo 105:42

Kay nahinumdom siya sa iyang balaan nga saad, ug kang Abraham nga iyang alagad.

Salmo 113:9

Ang babaye nga dili manganak gihatagan niya ug panimalay, naghimo kaniya nga malipayon nga inahan sa mga anak. Dayega ang Ginoo!

Salmo 127:3

Tan-awa, ang mga anak mao ang panulundon gikan sa Ginoo, ang bunga sa taguangkan mao ang ganti.