Genesis 30:14

Ang Biblia 2011

Sa panahon sa ting-ani sa trigo si Ruben miadto ug nakakaplag siya ug mga mandragora didto sa kapatagan ug iya kining gidala ngadto kang Lea nga iyang inahan. Unya miingon si Raquel kang Lea, “Hatagi intawon ako sa mga mandragora sa imong anak nga lalaki.”

Cross References

Genesis 25:30

Ug si Esau miingon kang Jacob, “Pakan-a ako nianang pulapula nga sinabaw kay gigutom kaayo ako.” Busa ginganlan siya ug Edom.

Genesis 30:15

Apan siya miingon kaniya, “Gamay ra bang butang ang pagkuha nimo sa akong bana? Unya kuhaon pa gayod nimo ang mga mandragora sa akong anak?” Ug si Raquel miingon, “Karong gabii, makahigda siya uban kanimo tungod sa mga mandragora sa imong anak.”

Genesis 30:16

Sa pagpauli ni Jacob gikan sa kapatagan sa pagkagabii, migula si Lea sa pagsugat kaniya ug miingon kaniya, “Kinahanglang mohigda ka uban kanako kay gibayran ko ikaw sa mga mandragora sa akong anak.” Busa siya mihigda uban kaniya niadtong gabhiona.

Awit sa mga Awit 7:13

Ang mga mandragora naghatag sa ilang kahumot, ug sa atong mga pultahan anaa ang tanang piniling bunga, bag-o ug daan, nga akong gitagana alang kanimo, O akong hinigugma.

Ezequiel 48:25

Kasikbit sa kayutaan ni Simeon, gikan sa silangang bahin ngadto sa kasadpan, usa ka bahin alang kang Isacar.