Genesis 3:5

Ang Biblia 2011

Kay nasayod ang Dios nga sa dihang kamo mokaon niini mabuka ang inyong mga mata ug mahimo kamo nga sama sa Dios, mahibalo sa maayo ug sa daotan.”

Cross References

Genesis 2:17

apan sa kahoy sa kahibalo sa maayo ug sa daotan, ayaw pagkaon niini kay sa adlaw nga mokaon ikaw niini, mamatay ka gayod.”

Genesis 2:9

Ug gipaturok sa Ginoong Dios gikan sa yuta ang tanan nga kahoy nga matahom nga tan-awon ug maayo nga kaonon. Diha usab sa taliwala sa tanaman ang kahoy sa kinabuhi ug ang kahoy sa kahibalo sa maayo ug sa daotan.

Genesis 3:10

Ug mitubag siya, “Nadungog nako ang imong kasikas diha sa tanaman, ug nahadlok ako kay hubo man ako, busa mitago ako.”

Genesis 3:22

Ug ang Ginoong Dios miingon, “Tan-awa, ang tawo nahimo nga sama sa usa kanato, nahibalo sa maayo ug sa daotan. Ug karon tingali unya ug mokab-ot siya ug mokuha usab gikan sa kahoy sa kinabuhi ug mokaon, ug mabuhi hangtod sa kahangtoran.”

Genesis 3:7

Unya nabuka ang mga mata nilang duha, ug sila nakaamgo nga sila hubo, busa nagtahi sila ug mga dahon sa igera ug gihimo nilang mga tapis alang sa ilang kaugalingon.

1 Mga Hari 22:6

Unya gitigom sa hari sa Israel ang mga propeta, mga upat ka gatos ka tawo, ug giingnan sila, “Moadto ba ako sa Ramot-gilead aron sa pagpakiggubat o pasagdan ba lamang nako kini?” Ug sila miingon, “Tungas kay ang Ginoo magtugyan niini ngadto sa kamot sa hari.”

2 Cronicas 32:15

Busa karon ayaw pagtugot nga si Hesekias maglimbong kaninyo o magpahisalaag kaninyo sa ingon niining paagiha ug ayaw kamo pagtuo kaniya, kay walay dios sa bisan unsang nasod ug gingharian nga nahimo sa pagluwas sa iyang katawhan gikan sa akong kamot o gikan sa kamot sa akong mga katigulangan. Labaw pang dili makaluwas kaninyo ang inyong Dios gikan sa akong kamot!’ ”

Salmo 12:4

kadtong nag-ingon, “Pinaagi sa among dila mopatigbabaw kami, ang among mga ngabil ania kanamo; kinsa ba ang among agalon?”

Exodo 20:7

“Ayaw gamita sa walay kapuslanan ang ngalan sa Ginoo nga imong Dios kay ang Ginoo dili mag-isip nga walay sala niadtong naggamit sa walay kapuslanan sa iyang ngalan.

Exodo 5:2

Apan ang Paraon mitubag, “Kinsa ba si Yahweh nga kinahanglang mamati ako sa iyang tingog ug magtugot sa pagpalakaw sa Israel? Wala ako makaila kang Yahweh, dili usab ako motugot sa pagpalakaw sa Israel.”

Isaias 14:14

Mokayab ako sa ibabaw sa mga kahitas-an sa kapanangoran, himoon nako ang akong kaugalingon nga sama sa Labing Halangdon.’

Ezequiel 13:22

Tungod kay pinaagi sa bakak gipasubo ninyo ang kasingkasing sa matarong bisan ug wala ako magpasubo kaniya, ug gidasig ninyo ang daotan aron nga siya dili motalikod gikan sa daotan niyang dalan aron pagluwas sa iyang kinabuhi,

Ezequiel 28:12

“Anak sa tawo, pagpatugbaw ug pagbangutan alang sa hari sa Tiro, ug ingna siya, Mao kini ang giingon sa Ginoong Dios: Ikaw ang patik sa kahingpitan, puno sa kaalam, ug hingpit sa katahom.

Ezequiel 28:2

“Anak sa tawo, sultihi ang pangulo sa Tiro, Mao kini ang giingon sa Ginoong Dios: Tungod kay ang imong kasingkasing mapahitas-on, ug ikaw miingon, ‘Ako usa ka dios, ako naglingkod sa lingkoranan sa mga dios, sa taliwala sa kadagatan,’ bisan pa niana ikaw tawo lamang, ug dili dios, apan nag-isip ikaw sa imong kaugalingon nga maalamon sama sa usa ka dios—

Ezequiel 28:9

Moingon pa ba gihapon ikaw, ‘Ako usa ka dios,’ sa atubangan sa nagpatay kanimo, bisan ug ikaw tawo lamang ug dili dios diha sa mga kamot sa nasamad kanimo?

Ezequiel 29:3

Sultihi siya ug ingna, Mao kini ang giingon sa Ginoong Dios: “Tan-awa, ako batok kanimo, Paraon nga hari sa Ehipto, ang dakong dragon nga naghigda sa taliwala sa iyang kasubaan, nga nag-ingon, ‘Ang akong Nilo akong kaugalingon, gibuhat nako kini alang sa akong kaugalingon.’

Daniel 4:30

ug ang hari miingon, “Dili ba kini mao ang bantogang Babilonia nga akong gitukod ingon nga harianong puluy-anan pinaagi sa akong dakong gahom ug alang sa dungog sa akong pagkahalangdon?”

Daniel 6:7

Ang tanang mga pangulo sa gingharian, ang mga tigdumala ug ang mga kadagkoan, ang mga magtatambag ug ang mga gobernador nagkasabot nga ang hari kinahanglang maghimo ug usa ka tulumanon ug magpakanaog ug usa ka pagdili nga si bisan kinsa nga mag-ampo ngadto sa bisan unsang dios o tawo sulod sa 30 ka adlaw, gawas kanimo, O hari, siya itambog ngadto sa langob sa mga liyon.

Mateo 6:23

apan kon masakiton ang imong mata, ang tibuok nimong lawas mapuno sa kangitngit. Busa kon ang kahayag nga anaa kanimo kangitngit diay, pagkadako gayod sa maong kangitngit!

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

2 Mga Taga-Corinto 11:3

Apan nahadlok ako nga ingon nga ang bitin milimbong kang Eva pinaagi sa iyang pagkamalimbongon, ang inyong mga panghunahuna mahisalaag gikan sa inyong matinud-anon ug putli nga pag-alagad kang Cristo.

2 Mga Taga-Corinto 4:4

Diha kanila ang mga hunahuna sa mga dili magtutuo gibutaan sa dios niining panahona, aron dili sila makakita sa kahayag sa Maayong Balita sa himaya ni Cristo nga mao ang dagway sa Dios.

2 Mga Taga-Tesalonica 2:4

nga nagsupak ug nagpataas sa iyang kaugalingon ibabaw sa tanang gitawag nga dios o sa bisan unsa nga gisimba, aron sa ingon siya molingkod sulod sa Templo sa Dios ug magpaila sa iyang kaugalingon nga Dios.

Gipadayag 13:14

Ug pinaagi sa mga milagro nga gitugot kaniya sa paghimo diha sa atubangan sa bangis nga mananap, iyang gilimbongan ang mga nagpuyo sa yuta sa pag-agda kanila sa paghimo ug larawan alang sa bangis nga mananap nga nasamad sa espada apan nabuhi.

Gipadayag 13:4

Ang mga tawo misimba sa dragon tungod kay ang mananap iya mang gihatagan ug kagahom, ug ang bangis nga mananap ilang gisimba nga nag-ingon, “Kinsa bay sama sa bangis nga mananap? Ug kinsa bay makahimo sa pagpakiggubat kaniya?”

Mga Maghuhukom 3:2

Kini aron lamang nga ang mga kaliwatan sa katawhan sa Israel makakat-on sa gubat aron siya makatudlo niadtong wala pa gayod mahibalo niini kaniadto.