Genesis 3:20

Ang Biblia 2011

Ug ginganlan sa tawo ug Eva ang iyang asawa tungod kay siya mao ang inahan sa tanan nga buhi.

Cross References

Genesis 16:11

Ang anghel sa Ginoo miingon usab, “Tan-awa, ikaw nagsamkon, ug manganak ikaw ug usa ka batang lalaki, ug nganlan nimo siya ug Ismael kay gipatalinghogan sa Ginoo ang imong kagul-anan.

Genesis 2:20

Gihatagan sa tawo ug mga ngalan ang tanan nga kahayopan ug ang mga langgam sa kalangitan ug ang tanan nga mga mananap sa kapatagan apan alang sa tawo walay nakaplagan nga katabang nga angay kaniya.

Genesis 2:23

Ug ang tawo miingon, “Ania ra gayod ang bukog sa akong mga bukog, ug unod sa akong unod, siya nganlan nga Babaye, kay gikuha siya gikan sa Lalaki.”

Genesis 3:21

Ug ang Ginoong Dios nagbuhat ug mga bisti nga panit alang kang Adan ug sa iyang asawa ug iyang gibistihan sila.

Genesis 35:18

Ug sa dihang himatyon siya, kay namatay man siya, gitawag niya ang iyang ngalan ug Ben-oni, apan ang iyang amahan nagngalan kaniya ug Benjamin.

Genesis 5:29

ug ginganlan niya siya ug Noe, nga nag-ingon, “Gikan sa yuta nga gitunglo sa Ginoo, kining bataa maoy magdala kanato ug pahulay gikan sa atong buluhaton ug gikan sa pagpangabudlay sa atong mga kamot.”

Exodo 2:10

Sa pagkadako na sa bata gidala siya sa inahan ngadto sa anak nga babaye sa Paraon, ug siya nahimo nga iyang anak, ug ginganlan niya siya ug Moises, kay siya miingon man, “Tungod kay siya gikuha nako gikan sa tubig.”

Mateo 1:21

Manganak siya ug usa ka batang lalaki, ug siya imong nganlan ug Jesus, kay siya mao ang moluwas sa iyang katawhan gikan sa ilang mga sala.”

Mateo 1:23

“Tan-awa, usa ka ulay magsabak ug manganak sa usa ka bata nga lalaki, ug ang iyang ngalan tawgon ug Emmanuel” (nga nagkahulogan: Ang Dios uban kanato).

Mga Buhat 17:26

Siya nagbuhat sa tanang nasod sa katawhan gikan sa usa ka tawo aron mopuyo sa tanang dapit sa yuta, human niya maandam ang mga gitakda nga kapanahonan ug ang mga utlanan sa mga dapit nga ilang puy-an,

2 Mga Taga-Corinto 11:3

Apan nahadlok ako nga ingon nga ang bitin milimbong kang Eva pinaagi sa iyang pagkamalimbongon, ang inyong mga panghunahuna mahisalaag gikan sa inyong matinud-anon ug putli nga pag-alagad kang Cristo.

1 Timoteo 2:13

Kay si Adan mao ang una nga gibuhat, unya si Eva

1 Samuel 1:20

Sa pag-abot sa tukmang panahon, si Hana nanamkon ug nanganak ug usa ka batang lalaki nga ginganlan niya ug Samuel, tungod kay siya miingon, “Gipangayo nako kining bataa sa Ginoo.”