Genesis 3:19

Ang Biblia 2011

Pinaagi sa singot sa imong nawong makakaon ikaw sa pan hangtod nga mobalik ikaw sa yuta tungod kay ikaw gikuha gikan niini; ikaw abog ug sa abog ikaw mobalik.”

Cross References

Genesis 18:27

Si Abraham mitubag, “Ania karon, ako nangako sa pagsulti sa akong Ginoo, bisan ako abog ug abo lamang.

Genesis 2:7

Ug giumol sa Ginoong Dios ang tawo nahimo nga gikan sa abog sa yuta ug gihuyop niya ngadto sa ilong niini ang gininhawa sa kinabuhi, ug ang tawo nahimo nga buhing binuhat.

Genesis 23:4

“Langyaw ako ug dumuduong sa taliwala ninyo. Hatagi ako ninyo ug luna nga kalubngan nako sa akong minatay nga layo sa akong panan-aw.”

Genesis 3:18

Kini magpaturok usab kanimo ug mga tunokong sampinit ug mga sagbot ug magkaon ikaw sa mga tanom sa kapatagan.

Genesis 5:5

Busa ang tanang mga adlaw ni Adan 930 ka tuig, ug siya namatay.

Job 1:21

Ug siya miingon, “Hubo ako nga migula gikan sa tiyan sa akong inahan ug hubo ako nga mobalik; ang Ginoo naghatag ug ang Ginoo nagkuha. Bulahan ang ngalan sa Ginoo.”

Job 10:9

Hinumdomi nga ikaw nag-umol kanako sama sa lapok ug imo ba akong ibalik ngadto sa abog?

Job 19:26

Ug human malaglag sa ingon ang akong panit, unya gikan sa akong unod makita nako ang Dios;

Job 21:26

Managsama silang manghigda diha sa abog, ug ang mga ulod milukop kanila.

Job 34:15

ang tanang unod mangahanaw sa tingob, ug ang tawo mobalik sa abog.

Job 4:19

unsa pa kaha kadtong nagpuyo sa mga balay nga lapok, nga ang patukoranan anaa sa abog, nga nadugmok atubangan sa anunugba.

Salmo 103:14

Kay siya nahibalo sa atong kahimtang; nahinumdom siya nga kita mga abog lamang.

Salmo 104:23

Ang tawo mogula ngadto sa iyang buhat ug sa iyang buluhaton hangtod sa kagabhion.

Salmo 104:29

Sa dihang gitago nimo ang imong nawong, sila nalisang; sa dihang gikuha nimo ang ilang gininhawa, nangamatay sila ug namalik sa ilang mga abog.

Salmo 127:2

Kawang lamang ang inyong sayo nga pagbangon ug dugay nga mopahulay magkaon sa pan sa kabudlay, kay siya naghatag ug pagkatulog sa iyang mga gihigugma.

Salmo 22:15

ang akong kusog nauga sama sa buak nga kulon, ug ang akong dila mitapot sa akong mga apapangig; gidala nimo ako ngadto sa abog sa kamatayon.

Salmo 22:29

Ngadto kaniya ang tanang mapahitas-on sa yuta mangyukbo; sa atubangan niya mangyukbo ang tanan nga nanaog ngadto sa abog, ug siya nga dili makahimo sa pagpabiling buhi sa iyang kaugalingon.

Salmo 90:3

Ikaw nagpabalik sa tawo ngadto sa abog ug nag-ingon, “Pamalik kamo, O mga anak sa mga tawo!”

Mga Panultihon 21:16

Ang tawo nga naglatagaw gikan sa dalan sa pagpanabot mopahulay diha sa katilingban sa mga patay.

Ecclesiastes 1:13

Ug gigamit nako ang akong kasingkasing sa pagpangita ug sa pagsusi pinaagi sa kaalam, sa tanang nahimo ilalom sa langit. Lisod kaayo nga buluhaton ang gihatag sa Dios ngadto sa mga anak sa mga tawo aron maghago alang niini.

Ecclesiastes 1:3

Unsay makuha sa tawo gikan sa tanan niyang paghago, diin naghago siya ilalom sa adlaw?

Ecclesiastes 12:7

ug ang abog mobalik sa yuta sama kaniadto, ug ang espiritu mobalik ngadto sa Dios nga maoy naghatag niini.

Ecclesiastes 3:20

Ang tanan moadto sa usa lamang ka dapit; ang tanan gikan sa abog, ug sa abog ang tanan mopauli pag-usab.

Ecclesiastes 5:15

Sama sa iyang paggula gikan sa taguangkan sa iyang inahan, mobalik siya nga hubo ingon sa iyang paggula, ug walay madala bisan unsa sa iyang paghago, nga madala unta niya diha sa iyang kamot.

Daniel 12:2

Ug daghan kanila nga nangatulog sa abog sa yuta ang makamata, ang uban ngadto sa walay kataposang kinabuhi ug ang uban ngadto sa kaulawan ug sa walay kataposang pagtamay.

1 Mga Taga-Corinto 15:47

Ang unang tawo gikan sa yuta, hinimo gikan sa abog; ang ikaduhang tawo gikan sa langit.

Mga Taga-Efeso 4:28

Ang kawatan kinahanglang dili na mangawat, kondili maghago hinuon, magbuhat sa mga maayong butang pinaagi sa iyang mga kamot aron may ikahatag siya ngadto sa mga nagkinahanglan.

1 Mga Taga-Tesalonica 2:9

Kay kamo, mga igsoon, mahinumdom sa among paghago ug pagbudlay samtang kami nagwali kaninyo sa Maayong Balita sa Dios, kami usab naghago sa gabii ug sa adlaw aron kami dili makahatag ug kabug-at kang bisan kinsa kaninyo.

2 Mga Taga-Tesalonica 3:10

Kay bisan gani sa diha pa kami uban kaninyo, among gihatag kaninyo kining maong sugo: Kon adunay dili buot mobuhat, ayaw siya pakan-a.

Mga Hebreo 9:27

Ug ingon nga natakda nga ang tawo mamatay sa makausa, ug human niana mao ang paghukom,