Genesis 3:15

Ang Biblia 2011

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

Cross References

Genesis 49:17

Si Dan mahimong sama sa bitin diha sa dalan, bitin nga malala diha sa agianan nga mopaak sa mga tikod sa mga kabayo, aron ang magkabayo mahulog sa likod.

Salmo 132:11

Ang Ginoo nanumpa kang David ug usa ka kasaligan nga panumpa nga gikan niini dili na siya mobulag: “Usa sa mga anak sa imong lawas ipahimutang nako sa imong trono.

Isaias 53:12

Tungod niini hatagan nako siya ug usa ka bahin uban sa bantogan, ug siya magbahin sa inilog uban sa kusgan; tungod kay iyang gibubo ang iyang kalag ngadto sa kamatayon, ug giisip uban sa mga malapason; bisan pa niini gipas-an niya ang sala sa daghan ug naghimo ug pagpangamuyo alang sa mga malapason.

Isaias 7:14

Busa ang Ginoo gayod maoy maghatag kaninyo ug usa ka ilhanan. Tan-awa, ang usa ka batan-ong babaye magsamkon, ug manganak ug usa ka batang lalaki, ug tawgon ang iyang ngalan ug Emmanuel.

Jeremias 31:22

Hangtod kanus-a ang imong pagpalingpaling, O anak nga babaye nga mabudhion? Kay ang Ginoo nagbuhat ug bag-ong butang sa yuta: ang usa ka babaye manalipod sa usa ka lalaki.”

Daniel 9:26

Ug human sa 62 ka pito ka tuig, ang dinihogan patyon ug walay mabatonan bisan unsa, ug ang katawhan sa pangulo nga moabot maoy molaglag sa siyudad ug sa balaang dapit. Ang kataposan niini moabot sama sa baha ug hangtod sa kataposan adunay gubat, ang pagkagun-ob gitakda na.

Amos 9:3

Bisan pa ug magtago sila sa ilang kaugalingon didto sa kinatumyan sa Carmel, gikan didto pangitaon nako sila ug kuhaon; bisan pa ug motago sila gikan sa akong panan-aw sa ilalom sa dagat, didto sugoon nako ang bitin ug kini mopaak kanila.

Miqueas 5:3

Busa pasagdan niya sila hangtod sa panahon nga kadtong nagbati manganak; unya ang uban sa iyang kaigsoonan mobalik ngadto sa katawhan sa Israel.

Mateo 1:23

“Tan-awa, usa ka ulay magsabak ug manganak sa usa ka bata nga lalaki, ug ang iyang ngalan tawgon ug Emmanuel” (nga nagkahulogan: Ang Dios uban kanato).

Mateo 1:25

Apan si Jose wala makighilawas kaniya hangtod nga gipanganak ni Maria ang usa ka bata nga lalaki, ug iyang ginganlan siya ug Jesus.

Mateo 12:34

Kamong mga kaliwat sa bitin! Unsaon man ninyo pagsultig maayo nga mga daotan man kamo? Kay gikan sa kapuno sa kasingkasing mosulti ang baba.

Mateo 13:38

ang uma mao ang kalibotan, ug ang maayong binhi mao ang mga anak sa gingharian, ang mga sagbot mao ang mga anak sa daotan.

Mateo 23:33

Kamong mga bitin ug kaliwat sa mga bitin, unsaon man ninyo paglingkawas gikan sa pagkahinukman ngadto sa imperno?

Mateo 3:7

Apan sa pagtan-aw niya nga daghan sa mga Pariseo ug sa mga Saduceo ang miadto aron sa pagpabautismo, siya miingon kanila, “Kamong kaliwat sa mga bitin! Kinsa bay nagpasidaan kaninyo sa pag-ikyas gikan sa kapungot nga umaabot?

Marcos 16:18

kuptan nila ang mga bitin ug kon makainom sila ug bisan unsa nga makahilo, dili sila maunsa, tapin-an nila sa ilang mga kamot ang mga masakiton ug mangaayo sila.”

Lucas 1:76

Ug ikaw, anak, tawgon nga propeta sa Labing Halangdon kay ikaw mao man ang mag-una sa Ginoo aron pag-andam sa iyang mga dalan,

Lucas 10:19

Tan-awa, gihatagan ko kamo ug kagahom sa pagyatak sa mga bitin ug mga tanga ug ibabaw sa tanang gahom sa kaaway, ug walay makadaot kaninyo.

Lucas 22:53

Sa didto ako sa Templo uban kaninyo matag adlaw, wala hinuon ninyo bakyawa ang inyong mga kamot batok kanako. Apan kini mao ang inyong panahon, ug ang gahom sa kangitngit.”

Lucas 24:27

Ug sugod kang Moises ug sa tanang mga propeta, iyang gipasabot kanila ang mga butang sa tibuok nga kasulatan mahitungod sa iyang kaugalingon.

Juan 8:44

Kamo gikan sa inyong amahan nga mao ang yawa ug nagtinguha kamo sa pagbuhat sa kabubut-on sa inyong amahan. Siya mamumuno gayod sukad pa sa sinugdan, ug walay labot sa kamatuoran kay ang kamatuoran wala man diha kaniya. Sa dihang mamakak siya, magsulti siya tukma sa iyang kaugalingong kinaiya kay siya bakakon man ug amahan sa mga bakak.

Mga Buhat 13:10

ug miingon, “Ikaw nga anak sa yawa, ikaw nga kaaway sa tanang pagkamatarong, puno sa tanang limbong ug kadaotan, dili ka ba mohunong sa pagtuis sa mga tul-id nga dalan sa Ginoo?

Roma 16:20

Ug sa dili madugay ang Dios sa kalinaw magdugmok kang Satanas diha sa ilalom sa inyong mga tiil. Ang grasya sa atong Ginoong Jesu-Cristo mag-uban kaninyo.

Roma 3:13

“Ang ilang tutunlan usa ka lubong nga binuksan, ang ilang dila gigamit sa paglimbong.” “Ang kalala sa mga bitin anaa sa ilalom sa ilang mga ngabil.”

Mga Taga-Galacia 4:4

Apan sa pag-abot na sa tukma nga panahon, ang Dios mipadala sa iyang Anak nga natawo pinaagi sa usa ka babaye, natawo ilalom sa Balaod,

Mga Taga-Efeso 4:8

Busa kini giingon, “Sa pagsaka niya sa kahitas-an, nagdala siya ug panon sa mga binihag; ug ngadto sa mga tawo, siya naghatag ug mga gasa.”

Mga Taga-Colosas 2:15

Ang mga pamunoan ug kagamhanan iyang gitangtangan sa mga hinagiban ug iyang gipasundayag sila sa kadaghanan, diha sa iyang pagdaog batok kanila pinaagi sa krus.

Mga Hebreo 2:18

Kay ingon nga siya gayod nag-antos ug gitintal, makahimo siya sa pagtabang kanila nga gitintal.

Mga Hebreo 5:7

Sa mga adlaw sa tawhanon niyang kinabuhi, nag-ampo ug nangamuyo siya uban sa kusog nga mga singgit ug hilak ngadto sa makahimo sa pagluwas kaniya gikan sa kamatayon ug siya gidungog tungod sa iyang diosnong kahadlok.

1 Juan 3:10

Maila kon kinsa ang mga anak sa Dios ug kinsa ang mga anak sa yawa pinaagi niini: si bisan kinsa nga wala magbuhat ug matarong ug wala mahigugma sa iyang igsoon, dili iya sa Dios.

1 Juan 3:8

Ang nagbuhat ug pagpakasala, iya sa yawa kay ang yawa nagpakasala man sukad pa sa sinugdan. Ang hinungdan nganong gipadayag ang anak sa Dios mao ang paglaglag sa mga binuhatan sa yawa.

1 Juan 5:5

Kinsa ba ang magbuntog sa kalibotan kondili siya lamang nga nagtuo nga si Jesus mao ang Anak sa Dios?

Gipadayag 12:17

Unya ang dragon nasuko batok sa babaye, ug miadto siya sa pagpakiggubat batok sa tanan nga uban pang mga kaliwat sa babaye, sa mga nagtuman sa kasugoan sa Dios ug nagdala ug pagpamatuod mahitungod kang Jesus.

Gipadayag 13:7

Siya gitugotan usab sa pagpakiggubat batok sa mga balaan ug sa pagbuntog kanila. Ug kaniya gihatag ang kagahom ibabaw sa tanang kabanayan ug katawhan ug pinulongan ug kanasoran.

Gipadayag 2:10

Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi.

Gipadayag 20:10

Ug ang yawa nga nagpahisalaag kanila gitambog ngadto sa linaw nga kalayo ug asupri diin atua ang bangis nga mananap ug ang mini nga propeta, ug didto sakiton sila adlaw ug gabii hangtod sa kahangtoran.