Genesis 3:14

Ang Biblia 2011

Ug ang Ginoong Dios miingon sa bitin, “Tungod kay ikaw nagbuhat niini, tinunglo ikaw labaw sa tanan nga mga kahayopan ug labaw sa tanan nga ihalas nga mga mananap; pinaagi sa imong tiyan magkamang ikaw, ug magkaon ikaw ug abog sa tanan nga mga adlaw sa imong kinabuhi.

Cross References

Genesis 3:1

Karon, ang bitin labawng malinglahon kay sa tanang ihalas nga mananap nga gibuhat sa Ginoong Dios. Ug miingon siya sa babaye, “Nag-ingon ba ang Dios, ‘Dili kamo makakaon gikan sa bisan unsa nga kahoy sa tanaman’?”

Genesis 4:11

Ug karon tinunglo ikaw gikan sa yuta nga mibuka sa iyang baba sa pagdawat sa dugo sa imong igsoon gikan sa imong kamot.

Genesis 9:6

Si bisan kinsa nga magpaagas ug dugo sa tawo, pinaagi sa tawo ang iyang dugo paagason, kay gibuhat sa Dios ang tawo sama sa iyang dagway.

Salmo 72:9

Ang iyang mga kabatok moyukbo unta sa iyang atubangan, ug ang iyang mga kaaway magtilap sa abog!

Isaias 29:4

Unya gikan sa ilalom sa yuta ikaw magsulti, ug ang imong mga pulong maggikan sa abog; ug ang imong tingog maggikan sa yuta sama sa tingog sa usa ka multo, ug ang imong pakigpulong maghunghong gikan sa abog.

Isaias 65:25

Ang lobo ug ang nating karnero magsalo sa pagsibsib, ug ang liyon mokaon sa dagami sama sa torong baka ug ang abog mahimong kan-onon sa bitin. Sila dili magdaot o maglaglag diha sa tibuok nakong bukid nga balaan, nag-ingon ang Ginoo.”

Levitico 20:25

Busa kamo maghimo ug kalainan sa mananap nga hinlo ug sa hugaw, ug sa langgam nga hugaw ug sa hinlo. Ug ayaw ninyo himoang dulumtanan ang inyong mga kaugalingon pinaagi sa mga mananap o pinaagi sa mga langgam o pinaagi sa bisan unsa nga nagkamang sa yuta nga ipalain nako kaninyo ingon nga hugaw.

Miqueas 7:17

sila magtilap sa abog sama sa usa ka bitin, sama sa mga nagkamang sa yuta; sila manggula nga magkurog gikan sa ilang mga salipdanan; uban sa kahadlok moduol sila sa Ginoo nga atong Dios, ug sila mangalisang tungod kanimo.