Genesis 3:13

Ang Biblia 2011

Ug ang Ginoong Dios miingon sa babaye, “Unsa man kining imong gibuhat?” Ug ang babaye miingon, “Ang bitin milingla kanako, ug mikaon ako.”

Cross References

Genesis 12:18

Unya ang Paraon mipatawag kang Abram ug siya miingon kaniya, “Unsa ba kining imong gibuhat kanako? Nganong wala man ikaw motug-an kanako nga siya imong asawa?

Genesis 44:15

Si Jose miingon kanila, “Unsa bang buhata kini nga gibuhat ninyo? Wala ba kamo mahibalo nga ang tawo nga sama kanako makahimo sa pagtagna?”

2 Samuel 3:24

Unya si Joab miadto sa hari ug miingon, “Unsa man kining imong gibuhat? Mianhi si Abner kanimo, nganong gipalakaw man nimo siya, ug karon wala na hinuon siya.

1 Mga Hari 13:18

Ug siya miingon kaniya, “Ako usab usa ka propeta sama kanimo, ug usa ka anghel nagsulti kanako pinaagi sa pulong sa Ginoo, nga nag-ingon, ‘Dad-a siya pagbalik uban kanimo ngadto sa imong balay, aron siya makakaon ug pan ug makainom ug tubig.’ ” Apan namakak siya kaniya.

Levitico 12:5

Apan kon manganak siya ug babaye, mahugaw siya sulod sa duha ka semana, sama sa iyang binulan nga pagdugo ug sulod sa 66 ka adlaw, ug siya magpadayon sa pagpaputli tungod sa iyang dugo.

Jonas 1:10

Unya ang mga tawo nangahadlok pag-ayo ug miingon kaniya, “Unsa kining imong nabuhat?” Kay ang mga tawo nahibalo nga siya miikyas gikan sa atubangan sa Ginoo tungod kay siya misugilon man kanila.

Juan 18:35

Si Pilato mitubag, “Judio ba ako? Ang imong nasod ug ang mga pangulong pari mao ang nagtugyan kanimo nganhi kanako. Unsa ba diay ang imong nabuhat?”

Roma 7:11

Kay ang sala, sa dihang nakakita ug higayon diha sa kasugoan, milimbong kanako ug pinaagi niini mipatay kanako.

2 Mga Taga-Corinto 11:3

Apan nahadlok ako nga ingon nga ang bitin milimbong kang Eva pinaagi sa iyang pagkamalimbongon, ang inyong mga panghunahuna mahisalaag gikan sa inyong matinud-anon ug putli nga pag-alagad kang Cristo.

1 Timoteo 2:14

ug si Adan wala malimbongi kondili ang babaye mao ang gilimbongan ug nahimong malinapason.

1 Samuel 13:11

Si Samuel miingon, “Unsay imong nabuhat?” Ug si Saul miingon, “Sa pagkakita nako nga ang katawhan nagkabulagbulag na gikan kanako ug nga wala ikaw moanhi sa mga adlaw nga gitakda, ug nga ang mga Filistihanon nagtigom na sa ilang kaugalingon didto sa Mikmas,

1 Samuel 15:15

Si Saul miingon, “Ilang gidala sila gikan sa mga Amalekanhon kay ang katawhan nagbilin ug labing maayo sa mga karnero ug sa mga baka aron ihalad ngadto sa Ginoo nga imong Dios, ug ang uban gihurot namo paglaglag.”