Genesis 3:1

Ang Biblia 2011

Karon, ang bitin labawng malinglahon kay sa tanang ihalas nga mananap nga gibuhat sa Ginoong Dios. Ug miingon siya sa babaye, “Nag-ingon ba ang Dios, ‘Dili kamo makakaon gikan sa bisan unsa nga kahoy sa tanaman’?”

Cross References

Ecclesiastes 4:10

Kay kon sila mangapukan, ang usa magbangon sa iyang kauban. Apan alaot kadtong nag-inusara sa diha nga siya mapukan, walay lain nga magbangon kaniya.

Isaias 27:1

Nianang adlawa, ang Ginoo pinaagi sa iyang gahi ug dako ug lig-on nga espada magsilot sa Lebiatan, ang tulin nga bitin, ang Lebiatan, ang bitin nga nagbalikos, ug iyang patyon ang dragon nga anaa sa dagat.

Mateo 10:16

“Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.

Mateo 4:3

Unya miduol ang maninintal ug miingon kaniya, “Kon ikaw Anak sa Dios, sugoa kining mga bato aron mahimong mga pan.”

Mateo 4:6

ug giingnan, “Kon ikaw Anak sa Dios, ambak ngadto sa ubos kay nasulat kini, ‘Magsugo siya sa iyang mga anghel mahitungod nimo,’ ug ‘Sa ilang mga kamot sapnayon ikaw nila, aron ang imong mga tiil dili maigo sa bato.’ ”

Mateo 4:9

ug ang yawa miingon kaniya, “Kining tanan akong ihatag kanimo kon ikaw moluhod ug mosimba kanako.”

2 Mga Taga-Corinto 11:14

Ug kini dili angay ikahibulong, kay bisan gani si Satanas nagtakoban man sa iyang kaugalingon ingon nga anghel sa kahayag.

2 Mga Taga-Corinto 11:3

Apan nahadlok ako nga ingon nga ang bitin milimbong kang Eva pinaagi sa iyang pagkamalimbongon, ang inyong mga panghunahuna mahisalaag gikan sa inyong matinud-anon ug putli nga pag-alagad kang Cristo.

1 Pedro 3:7

Kamo usab nga mga bana, sa dihang magpuyo kamo uban sa inyong mga asawa sumala sa kahibalo, ingon nga siya binuhat nga huyang kay kanimo, pasidunggi siya ingon nga isigkamanununod sa gasa sa kinabuhi, aron dili kababagan ang inyong mga pag-ampo.

Gipadayag 12:15

Ug ang bitin mibugwak ug tubig nga daw suba gikan sa iyang baba nga iyang gipaagpas sa babaye aron maanod siya sa baha.

Gipadayag 12:9

Ug gitambog ang dakong dragon, ang bitin nga karaan, ang ginganlag Yawa ug Satanas, ang tiglimbong sa tibuok kalibotan—gitambog ngadto sa kalibotan, ug ang iyang mga anghel gitambog uban kaniya.

Gipadayag 20:2

Ug iyang gidakop ang dragon, ang karaang bitin, nga mao ang Yawa ug si Satanas, ug gigapos sulod sa usa ka libo ka tuig,