Unya ang ulipon mikuha ug napulo ka kamilyo sa iyang agalon ug milakaw. Nagdala siya sa tanang matang sa mga piniling gasa gikan sa bahandi sa iyang agalon. Ug migikan siya ug miadto sa Mesopotamia, ngadto sa lungsod ni Nahor.
Ug si Isaac nagpanuigon ug 40 ka tuig sa pagpangasawa niya kang Rebecca nga anak ni Betuel nga Aramihanon, sa Padan-aram, ug igsoong babaye ni Laban nga Aramhanon.
Apan ngadto sa mga anak nga lalaki sa iyang mga puyopuyo, si Abraham mihatag kanila ug mga gasa. Ug sa dihang buhi pa siya gipalakaw niya sila layo kang Isaac nga iyang anak, ngadto sa silangan nga kayutaan.
Unya ang Dios miingon kang Jacob, “Tindog, tungas ngadto sa Betel ug puyo didto, ug pagbuhat ug usa ka halaran alang sa Dios nga nagpakita kanimo sa dihang mikagiw ikaw gikan sa imong igsoon nga si Esau.”
Ug nagtukod siya didto ug usa ka halaran, ug gitawag ang maong dapit ug El-Betel kay didto nagpakita kaniya ang Dios, sa pagkagiw niya gikan sa iyang igsoon.
Ug si Balaam mihimo sa iyang pakigpulong ug miingon, “Gikan sa Aram si Balak nagdala kanako, ang hari sa Moab gikan sa mga kabukiran sa silangan: ‘Dali, tungloha si Jacob alang kanako, ug dali, panghimaraota ang Israel!’
Unya ang tanang mga Midianhon ug ang mga Amalekanhon ug ang katawhan sa silangan nagtigom, ug sa ilang pagtabok sa Jordan nagkampo sila sa walog sa Jesreel.
Ug ang mga Midianhon ug mga Amalekanhon ug ang tanan nga katawhan sa silangan nagpahiluna sa walog nga sama sa mga dulon ang gidaghanon. Ug ang ilang mga kamilyo dili maihap, sama sa balas nga anaa sa baybayon ang gidaghanon.
Unya si Zeba ug si Zalmuna didto na sa Karkor uban sa ilang kasundalohan, mga 15,000 ka tawo, ang tanan nga nahibilin sa tanan nga kasundalohan sa katawhan sa silangan, kay didto napukan ang 120,000 ka tawo nga milanit sa espada.