Genesis 28:3

Ang Biblia 2011

Ug ang Dios nga Labing Gamhanan sa tanan magpanalangin kanimo ug maghimo kanimo nga mabungahon ug magpadaghan kanimo aron ikaw mahimo nga usa ka panon sa mga katawhan.

Cross References

Genesis 1:28

Ug gipanalanginan sila sa Dios, ug ang Dios miingon kanila, “Sanay kamo ug panaghan, ug lukpa ang yuta ug dumalaha kini ug kamo ang maggahom ibabaw sa mga isda sa dagat, ug sa mga langgam sa kalangitan, ug sa tanan nga buhing binuhat nga naglihok sa ibabaw sa yuta.”

Genesis 13:16

Buhaton nako ang imong mga kaliwat nga ingon sa abog sa yuta, nga kon adunay tawo nga makaihap sa abog sa yuta, ang imong kaliwatan usab mahimong maihap.

Genesis 17:20

Ug mahitungod usab kang Ismael, ikaw gipatalinghogan nako. Tan-awa panalanginan nako siya ug himoon nga mabungahon ug padaghanon sa hilabihan gayod. Mahimo siyang amahan sa napulo ug duha ka pangulo ug buhaton nako siya nga usa ka dakong nasod.

Genesis 24:60

Ug gipanalanginan nila si Rebecca, ug miingon sila kaniya, “Among igsoon, mahimo unta ikaw nga inahan sa liboan ka libo ug maangkon unta sa imong kaliwatan ang ganghaan niadtong nagdumot kanila.”

Genesis 26:24

Ug mipakita kaniya ang Ginoo niadtong gabhiona ug miingon, “Ako mao ang Dios ni Abraham nga imong amahan. Ayaw kahadlok kay ako nag-uban kanimo ug ikaw panalanginan nako, ug padaghanon nako ang imong mga kaliwat tungod kang Abraham nga akong sulugoon.”

Genesis 26:4

Padaghanon nako ang imong mga kaliwat sama sa mga bituon sa langit ug ihatag nako sa imong kaliwatan kining tanang mga yuta, ug ang tanang mga nasod sa yuta mapanalanginan tungod sa imong kaliwat,

Genesis 27:33

Unya si Isaac mikurog sa hilabihan gayod ug miingon, “Kinsa man diay ang mianhi dinhi, nga nangayam ug nagdala niini kanako, ug gikaon nako ang tanan sa wala pa ikaw moabot ug siya gipanalanginan nako? Oo, ug siya mahimong bulahan.”

Genesis 35:11

Ug ang Dios miingon kaniya, “Ako mao ang Dios nga Labing Gamhanan, pagmabungahon ka ug sanay, usa ka nasod ug pundok sa mga nasod maggikan kanimo ug ang mga hari maggikan kanimo.

Genesis 41:52

Ug ang ikaduha ginganlan niya ug Efraim, “Kay ang Dios naghimo kanako nga mabungahon diha sa yuta sa akong kasakitan.”

Genesis 43:14

Ug ang Dios nga Labing Gamhanan maghatag ug kaluoy kaninyo sa atubangan niadtong tawhana, aron iyang buhian kaninyo ang usa ninyo ka igsoon ug si Benjamin. Kon ako mawad-an sa akong mga anak, ako magbangutan gayod.”

Genesis 48:3

Ug si Jacob miingon kang Jose, “Ang Dios nga Labing Gamhanan mipakita kanako didto sa Luz sa yuta sa Canaan ug gipanalanginan niya ako.

Genesis 48:4

Ug siya miingon kanako, ‘Tan-awa, ikaw himoon nako nga mabungahon, ug ikaw akong padaghanon ug himoon nga usa ka panon sa mga katawhan. Ug ihatag ko kining yutaa sa imong mga kaliwat nga mosunod kanimo ingon nga panulundon nga dayon.’

Genesis 49:25

pinaagi sa Dios sa imong amahan nga motabang kanimo, ug sa Dios nga Labing Gamhanan nga magpanalangin kanimo, sa mga panalangin nga gikan sa langit sa itaas, sa mga panalangin sa kahiladman nga anaa sa ilalom, mga panalangin sa dughan ug sa taguangkan.

Genesis 9:1

Ug gipanalanginan sa Dios si Noe ug ang iyang mga anak, ug miingon kanila, “Sanay kamo ug panaghan, ug pun-a ninyo ang yuta.

Salmo 127:1

Gawas kon ang Ginoo ang magtukod sa balay, kawang lamang ang kahago niadtong mga nagtukod niini. Gawas kon ang Ginoo ang magbantay sa siyudad, kawang lamang ang pagtukaw sa tawo nga nagbantay.

Salmo 127:3

Tan-awa, ang mga anak mao ang panulundon gikan sa Ginoo, ang bunga sa taguangkan mao ang ganti.

Exodo 1:7

Apan ang mga kaliwat ni Israel nagmabungahon ug midaghan pag-ayo ug misanay ug nahimong lig-on sa hilabihan gayod ug nalukop nila ang yuta.

Exodo 6:3

Ako mipakita kang Abraham, kang Isaac ug kang Jacob, ingon nga Dios nga Labing Gamhanan apan sa akong ngalan, Yahweh, wala ako magpaila kanila.

2 Mga Taga-Corinto 6:18

Ug ako mahimong inyong amahan, ug kamo mahimong akong mga anak nga lalaki ug mga anak nga babaye, nag-ingon ang Ginoo nga Makagagahom sa Tanan.”

Gipadayag 21:22

Ug wala akoy nakitang templo sa siyudad, kay ang templo niini mao man ang Ginoong Dios nga Makagagahom sa Tanan ug ang Nating Karnero.

Ruth 2:4

Ug unya, si Boas miabot gikan sa Betlehem ug miingon sa mga mangangani, “Ang Ginoo mag-uban kaninyo!” Ug sila mitubag, “Ang Ginoo magpanalangin kanimo.”