Genesis 28:2

Ang Biblia 2011

Tindog ug lakaw ngadto sa Padan-aram, sa balay ni Betuel nga amahan sa imong inahan ug pangasawa didto gikan sa mga anak ni Laban nga igsoon sa imong inahan.

Cross References

Genesis 24:10

Unya ang ulipon mikuha ug napulo ka kamilyo sa iyang agalon ug milakaw. Nagdala siya sa tanang matang sa mga piniling gasa gikan sa bahandi sa iyang agalon. Ug migikan siya ug miadto sa Mesopotamia, ngadto sa lungsod ni Nahor.

Genesis 24:29

Ug si Rebecca may usa ka igsoon nga lalaki nga ginganlan ug si Laban. Ug si Laban midagan ngadto sa gawas padulong sa tawo didto sa tuboran.

Genesis 24:4

Lakaw hinuon ngadto sa akong yuta ug sa akong mga kadugo, ug pagkuha ug maasawa sa akong anak nga si Isaac.”

Genesis 24:50

Unya si Laban ug si Betuel mitubag, “Kining butanga naggikan sa Ginoo. Dili kami makahimo sa pagsulti kanimo ug daotan o maayo.

Genesis 25:20

Ug si Isaac nagpanuigon ug 40 ka tuig sa pagpangasawa niya kang Rebecca nga anak ni Betuel nga Aramihanon, sa Padan-aram, ug igsoong babaye ni Laban nga Aramhanon.

Genesis 28:5

Busa si Jacob gipalakaw ni Isaac ug siya miadto sa Padan-aram, ngadto kang Laban nga anak ni Betuel nga Aramhanon ug igsoon ni Rebecca nga inahan ni Jacob ug ni Esau.

Genesis 29:1

Unya si Jacob mipadayon sa iyang panaw ug miabot sa yuta sa mga tawo sa silangan.

Genesis 31:18

Ug gipauna niya ang tanan niyang kahayopan, ug ang tanan niyang kabtangan nga iyang natigom, ang mga kahayopan nga iyang napanag-iya, nga iyang natigom sa Padan-aram, aron mobalik siya ngadto kang Isaac nga iyang amahan sa yuta sa Canaan.

Genesis 32:10

ako dili takos sa labing diyotay sa tanang gugmang walay paglubad ug sa tanang pagkamatinumanon nga imong gipakita sa imong sulugoon kay uban lamang sa akong sungkod milabang ako niining Jordan, apan karon nahimo ako nga duha na ka pundok.

Genesis 33:18

Midangat si Jacob nga malinawon didto sa lungsod sa Sekem nga anaa sa yuta sa Canaan gikan sa Padan-aram ug nagkampo siya sa atubangan sa lungsod.

Genesis 35:9

Unya ang Dios mipakita pag-usab kang Jacob sa pagbalik niya gikan sa Padan-aram ug gipanalanginan siya.

Genesis 46:15

Kini sila mao ang mga anak nga lalaki ni Lea nga iyang gipanganak alang kang Jacob didto sa Padan-aram uban sa iyang anak nga babaye nga si Dina. Ang iyang mga anak nga lalaki ug mga anak nga babaye, 33 ang tanan.

Oseas 12:12

Si Jacob mikagiw ngadto sa yuta sa Aram, didto si Israel nag-alagad aron makapangasawa, ug aron makapangasawa nag-atiman siya sa mga karnero.

Oseas 12:13

Pinaagi sa usa ka propeta gidala sa Ginoo si Israel gikan sa Ehipto, ug pinaagi sa usa ka propeta siya giluwas.