Genesis 28:16

Ang Biblia 2011

Unya nakamata si Jacob gikan sa iyang pagkatulog ug miingon, “Ang Ginoo ania gayod niining dapita ug ako wala mahibalo niini.”

Cross References

1 Mga Hari 3:15

Unya si Solomon nahigmata, ug kadto usa ka damgo. Ug siya miadto sa Jerusalem ug mitindog sa atubangan sa sudlanan sa kasabotan sa Ginoo ug naghalad ug mga halad nga sunogon ug mga halad sa pakigdait ug naghimo ug usa ka kasaulogan alang sa tanan niyang mga sulugoon.

Job 33:14

Kay ang Dios nagsulti diha sa usa ka paagi, ug sa duha, bisan ug ang tawo wala makasabot niini.

Job 9:11

Tan-awa, milabay siya kanako ug wala nako siya makita; mipadayon siya apan wala ako makamatikod kaniya.

Salmo 139:7

Asa ba ako paingon gikan sa imong Espiritu? O asa ba ako mopalayo gikan sa imong presensiya?

Salmo 68:35

Makalilisang ang Dios diha sa iyang balaang dapit, ang Dios sa Israel; siya naghatag ug kusog ug gahom ngadto sa iyang katawhan. Dalaygon ang Dios.

Exodo 15:11

“Kinsa man ang sama kanimo, O Ginoo, taliwala sa mga dios? Kinsa man ang sama kanimo, halangdon diha sa pagkabalaan, kahadlokan diha sa mga mahimayaong buhat, nagbuhat sa mga katingalahan?

Exodo 3:4

Sa dihang nakita sa Ginoo nga si Moises miadto aron sa pagtan-aw niini, ang Dios mitawag kaniya gikan sa sampinit, “Moises, Moises!” Ug siya miingon, “Ania ako.”

Exodo 3:5

Unya ang Dios miingon, “Ayaw pagduol. Huboa ang imong mga sandalyas gikan sa imong mga tiil, kay ang dapit nga imong gitindogan yuta nga balaan.”

Isaias 8:13

Apan ang Ginoo sa mga panon, siya maoy inyong ilhon nga balaan, ug himoa nga siya maoy inyong kahadlokan ug inyong kalisangan.

Jeremias 31:26

Dinhi niini ako nakamata, ug mitan-aw ug ang akong pagkatulog tam-is alang kanako.

Numeros 12:6

Ug siya miingon, “Pamatia ninyo ang akong mga pulong: Kon adunay usa ka propeta sa taliwala ninyo, ako, ang Ginoo magpakita kaniya sa usa ka panan-awon, ako makigsulti kaniya pinaagi sa usa ka damgo.

Josue 5:13

Sa diha nga si Josue duol na sa Jerico, iyang giyahat ang iyang mga mata ug mitan-aw ug nakita niya nga may usa ka tawo nga nagtindog sa iyang atubangan nga nagdala ug usa ka espada nga gihulbot gikan sa sakoban diha sa iyang kamot ug si Josue miduol kaniya ug miingon kaniya, “Dapig ba ikaw kanamo o sa among mga kaaway?”

Josue 5:15

Ug ang tigmando sa panon sa kasundalohan sa Ginoo miingon kang Josue, “Huboa ang imong sandalyas gikan sa imong tiil kay ang dapit nga imong gitindogan, balaan.” Ug si Josue mibuhat sa ingon.