Genesis 27:7

Ang Biblia 2011

‘Dad-i ako nganhi ug pinangayaman ug lutoi ako ug lamiang pagkaon aron makakaon ako ug panalanginan ko ikaw sa atubangan sa Ginoo sa dili pa ako mamatay.’

Cross References

Genesis 27:14

Busa milakaw siya ug mikuha niini ug gidala kini ngadto sa iyang inahan. Ug ang iyang inahan nagluto ug lamiang pagkaon, kadtong gusto sa iyang amahan.

Genesis 27:4

Ug lutoi ako ug lamiang pagkaon, kadtong akong gusto ug dad-a nganhi kanako aron makakaon ako niini ug panalanginan ko ikaw sa dili pa ako mamatay.”

Genesis 27:6

si Rebecca misulti kang Jacob nga iyang anak, “Nadungog nako ang imong amahan nga nagsulti kang Esau nga imong igsoon,

Genesis 27:8

Busa karon, akong anak, tumana ang akong pulong sumala sa akong isugo kanimo.

Deuteronomio 33:1

Ug mao kini ang panalangin nga gipanalangin ni Moises nga tawo sa Dios ngadto sa katawhan sa Israel sa wala pa ang iyang kamatayon.

Josue 6:26

Ug niadtong panahona, si Josue mipahayag ug usa ka panumpa nga nag-ingon, “Tinunglo sa atubangan sa Ginoo ang tawo nga magpatindog ug magtukod pag-usab niining siyudad sa Jerico. Sa bili sa iyang kamagulangan nga anak, ipahiluna niya ang patukoranan, ug sa bili sa iyang kamanghorang anak nga lalaki tukoron niya ang mga ganghaan.”

1 Samuel 24:19

Kay kon ang usa ka tawo makakita sa iyang kaaway, buhian ba kaha niya siya nga walay kadaot? Busa ang Ginoo magbalos unta kanimo sa maayo tungod sa imong gibuhat kanako niining adlawa.