Genesis 27:41

Ang Biblia 2011

Busa si Esau nagdumot kang Jacob tungod sa panalangin nga gipanalangin kaniya sa iyang amahan ug miingon siya sa iyang kaugalingon, “Duol na ang mga adlaw sa pagbangutan tungod sa akong amahan, unya patyon nako si Jacob nga akong igsoon.”

Cross References

Genesis 27:42

Apan gisuginlan si Rebecca sa mga pulong ni Esau nga kamagulangan niyang anak, busa iyang gipasugoan ug gipatawag si Jacob, ang kamanghoran niyang anak ug giingnan siya, “Tan-awa, si Esau nga imong igsoon naghupay sa iyang kaugalingon pinaagi sa paglaraw sa pagpatay kanimo.

Genesis 32:11

Luwasa ako, naghangyo ako kanimo, gikan sa kamot sa akong igsoon, gikan sa kamot ni Esau, kay nahadlok ako kaniya, tingali ug moanhi siya ug patyon niya kaming tanan, ang mga inahan uban ang mga anak.

Genesis 32:3

Ug si Jacob nagsugo ug mga sulugoon una kaniya ngadto kang Esau nga iyang igsoon didto sa yuta sa Seir, sa kayutaan sa Edom,

Genesis 32:6

Ug ang mga sinugo namalik kang Jacob ug miingon, “Nakadangat kami sa imong igsoon nga si Esau ug siya moanhi sa pagsugat kanimo ug uban kaniya ang upat ka gatos ka tawo.”

Genesis 35:29

Ug si Isaac miginhawa sa iyang kataposan ug namatay siya ug gitipon siya didto sa iyang katawhan, tigulang ug hupong sa mga adlaw. Ug siya gilubong nila ni Esau ug ni Jacob.

Genesis 37:18

Apan nakita nila siya didto sa layo, ug sa wala pa siya moabot kanila, nagsabot sila batok kaniya aron pagpatay kaniya.

Genesis 37:4

Apan sa pagkakita sa iyang mga igsoon nga ang ilang amahan nagpangga kaniya labaw kay sa tanan niyang mga igsoon, sila nagdumot kaniya ug dili makasulti kaniya sa minaayo.

Genesis 37:8

Ug ang iyang mga igsoon miingon kaniya, “Maghari ba diay ikaw kanamo? Ug magmando ba diay ikaw kanamo?” Ug misamot pa gayod ang ilang pagdumot kaniya tungod sa iyang mga damgo ug sa iyang mga pulong.

Genesis 50:15

Sa dihang nakaamgo ang mga igsoon ni Jose nga ang ilang amahan patay na, miingon sila, “Tingali ug dumtan kita ni Jose ug iyang pabayran kanato ang tanang mga kadaotan nga atong gibuhat kaniya.”

Genesis 50:2

Ug nagsugo si Jose sa iyang mga sulugoon nga mananambal sa pag-embalsamar sa iyang amahan. Ug ang mga mananambal miembalsamar kang Israel.

2 Cronicas 35:24

Busa gikuha siya sa iyang mga sulugoon gikan sa karwahi ug gibutang siya sa iyang ikaduhang karwahi ug gidala siya ngadto sa Jerusalem. Ug siya namatay ug gilubong sa mga lubnganan sa iyang mga katigulangan. Ang tibuok Juda ug Jerusalem nagbangutan alang kang Josias.

Salmo 142:3

Sa diha nga maluya ang akong espiritu, ikaw nahibalo sa akong dalan! Sa dalan diin ako maglakaw sila nagtago ug lit-ag alang kanako.

Salmo 35:14

ingon nga daw nasubo ako alang sa akong higala o sa akong igsoon; nagsubo ako sama sa usa nga nagbangutan tungod sa iyang inahan, nagduko ug nagbangutan.

Salmo 37:16

Maayo pa ang diyotay nga anaa sa matarong kay sa kadagaya sa daghan nga makasasala.

Mga Panultihon 1:16

kay ang ilang mga tiil nagdagan padulong sa kadaotan ug sila nagdali aron sa pag-ula ug dugo.

Mga Panultihon 18:19

Ang igsoon nga nahiubos sama sa usa ka lig-ong siyudad nga lisod sudlon, apan ang panag-away sama sa mga trangka sa usa ka palasyo.

Mga Panultihon 6:14

uban sa daotan nga kasingkasing naglaraw ug daotan, kanunayng nagpugas ug kasamok;

Ecclesiastes 7:9

Ayaw kasuko dayon, kay ang kasuko nagpuyo diha sa sabakan sa mga buangbuang.

Ezequiel 35:5

Tungod kay ikaw naghambin ug pagdumot nga dayon, ug gitugyan nimo ang Israel ngadto sa gahom sa espada sa panahon sa ilang katalagman, sa panahon sa ilang kataposang silot,

Deuteronomio 34:8

Ug ang katawhan sa Israel nanghilak alang kang Moises didto sa kapatagan sa Moab sulod sa katloan ka adlaw; unya ang mga adlaw sa paghilak ug pagbangotan kang Moises natapos.

Tito 3:3

Kay kaniadto kita usab mga walay kahibalo, mga masukihon, nahisalaag, nagpaulipon sa nagkalainlaing mga pangibog ug mga kahilayan, nagkinabuhi diha sa daotan ug kasina, gidumtan sa mga tawo ug nagdumtanay sa usa ug usa.