Genesis 27:27

Ang Biblia 2011

Busa miduol siya ug iyang gihalokan siya ug nakapanimaho si Isaac sa baho sa iyang mga bisti ug gipanalanginan niya siya ug siya miingon, “Tan-awa ang baho sa akong anak sama sa baho sa uma nga gipanalanginan sa Ginoo.

Cross References

Genesis 26:12

Ug nagpugas si Isaac niadtong yutaa ug nakaani niadtong maong tuig ug usa ka gatos ka pilo kay siya gipanalanginan sa Ginoo.

Genesis 27:15

Unya si Rebecca mikuha sa labing maayong bisti ni Esau nga kamagulangan niyang anak nga didto uban kaniya sa iyang balay ug gisul-ob niya kini kang Jacob nga iyang kamanghorang anak.

Genesis 27:26

Unya miingon kaniya si Isaac nga iyang amahan, “Duol ngari ug haloki ako, anak ko.”

Genesis 27:39

Ug si Isaac nga iyang amahan mitubag kaniya, “Tan-awa, ang imong puluy-anan atua sa layo gikan sa katambok sa yuta, ug layo sa yamog nga gikan sa kalangitan sa itaas.

Genesis 48:10

Ug ang mga mata ni Israel lubog na tungod sa katigulang, ug halap na siya. Ug sila gipaduol kaniya, ug mihalok siya kanila ug iyang gigakos sila.

Genesis 48:15

Ug gipanalanginan niya si Jose, ug siya miingon, “Ang Dios nga sa iyang atubangan naglakaw ang akong katigulangan nga si Abraham ug si Isaac, ang Dios nga nagtultol kanako sa tibuok nakong kinabuhi hangtod niining adlawa,

Salmo 65:10

Gibisbisan nimo sa madagayaon gayod ang mga tudling niini; gipahimutang nimo ang mga dinaro niini, gipahumok kini pinaagi sa mga ulan, ug gipanalanginan nimo ang pagtubo niini.

Awit sa mga Awit 2:13

Ang kahoy nga igera nagpahinog sa iyang lunhaw nga mga igos, ug ang parasan namulak; sila nagpaalimyon sa ilang kahumot. Tindog, akong hinigugma, akong maanyag, ug dali ngari.

Deuteronomio 33:13

Ug mahitungod kang Jose siya miingon, “Panalanginan unta sa Ginoo ang iyang yuta, sa mga bililhong gasa gikan sa langit ug gikan sa mga lawom nga tubig nga anaa sa ilalom sa yuta,

Mga Hebreo 11:20

Tungod sa pagtuo si Isaac nagpanalangin kang Jacob ug kang Esau sa ilang kaugmaon.

Mga Hebreo 6:7

Kay ang yuta nga nakasuyop na sa ulan nga kanunayng nangatagak niini ug nagpatubo sa mga tanom nga kapuslan sa mga tawo nga alang kanila giugmad kini, magdawat ug panalangin gikan sa Dios.