Genesis 27:19

Ang Biblia 2011

Si Jacob miingon sa iyang amahan, “Ako si Esau nga imong kamagulangan. Gibuhat nako ang imong gisugo kanako. Karon lingkod, ug kaon sa akong pinangayaman aron panalanginan nimo ako.”

Cross References

Genesis 25:25

Ug ang una nga migula pulahon ug ang tibuok nga lawas sama sa usa ka bisti nga gisapawan ug balhibo, ug gitawag nila ang iyang ngalan ug Esau.

Genesis 25:28

Si Esau pinangga ni Isaac kay makakaon man siya sa pinangayaman niini, apan pinangga ni Rebecca si Jacob.

Genesis 27:18

Busa miadto siya sa iyang amahan ug miingon, “Amahan ko.” Ug siya miingon, “Ania ako; kinsa ba ikaw, anak ko?”

Genesis 27:21

Unya si Isaac miingon kang Jacob, “Duol, aron hikapon ko ikaw, anak ko, kon ikaw mao ba gayod ang akong anak nga si Esau o dili ba.”

Genesis 27:31

Siya naghikay usab ug lamiang pagkaon ug iyang gidala ngadto sa iyang amahan, ug siya miingon kaniya, “Bangon, amahan ko, ug kaon sa pinangayaman sa imong anak aron ikaw magpanalangin kanako.”

Genesis 27:35

Ug siya miingon, “Mianhi ang imong igsoon uban sa limbong ug mikuha sa imong panalangin.”

Genesis 27:4

Ug lutoi ako ug lamiang pagkaon, kadtong akong gusto ug dad-a nganhi kanako aron makakaon ako niini ug panalanginan ko ikaw sa dili pa ako mamatay.”

Genesis 27:45

hangtod nga mawala na ang kaligutgot sa imong igsoon batok kanimo ug nga malimtan niya ang imong gibuhat kaniya, unya magsugo ako ug ipakuha ko ikaw gikan didto. Nganong mawad-an man ako kaninyong duha sa usa lamang ka adlaw?”

1 Mga Hari 13:18

Ug siya miingon kaniya, “Ako usab usa ka propeta sama kanimo, ug usa ka anghel nagsulti kanako pinaagi sa pulong sa Ginoo, nga nag-ingon, ‘Dad-a siya pagbalik uban kanimo ngadto sa imong balay, aron siya makakaon ug pan ug makainom ug tubig.’ ” Apan namakak siya kaniya.

1 Mga Hari 14:2

Si Jeroboam miingon sa iyang asawa, “Tindog, ako naghangyo kanimo ug pagpakaaron-ingnon sa imong kaugalingon, aron dili ka mailhan nga asawa ni Jeroboam, ug lakaw ngadto sa Silo. Atua didto si Ahias nga propeta nga nagsulti mahitungod kanako nga ako mahimong hari niining katawhan.

Isaias 28:15

Tungod kay kamo nag-ingon, “Kami naghimo ug usa ka kasabotan uban sa kamatayon, ug uban sa Sheol kami may gikauyonan; sa diha nga moagi na ang naghaguros nga bunal, kini dili modangat kanamo; kay ang kabakakan gihimo namong dalangpanan, ug diha sa kabakakan kami magpasalipod sa among kaugalingon”;