Genesis 26:34

Ang Biblia 2011

Ug sa nagpanuigon na si Esau ug 40 ka tuig, gipangasawa niya si Judith nga anak ni Beeri nga Hitihanon ug si Basemat nga anak ni Elon nga Hitihanon.

Cross References

Genesis 24:3

ug papanumpaon ko ikaw pinaagi sa Ginoo, ang Dios sa langit, ang Dios sa yuta, nga dili ka mangita ug maasawa alang sa akong anak gikan sa mga anak sa mga Canaanhon diin ako magpuyo.

Genesis 27:46

Unya miingon si Rebecca kang Isaac, “Naugtas ako sa akong kinabuhi tungod sa mga babayeng Hitihanon. Kon si Jacob mangasawa sa usa sa mga babayeng Hitihanon nga ingon niini, usa sa mga babaye niining yutaa, unsay kapuslanan sa akong kinabuhi?”

Genesis 28:8

Busa nakita ni Esau nga ang mga babaye nga Canaanhon wala makapahimuot kang Isaac nga iyang amahan.

Genesis 28:9

Busa miadto si Esau kang Ismael ug nangasawa ug dugang sa iyang mga asawa, kang Mahalat nga anak ni Ismael nga anak ni Abraham, ug igsoon nga babaye ni Nebaiot.

Genesis 36:13

Kini sila mao ang mga anak nga lalaki ni Reuel: si Nahat, si Zera, si Samma ug si Misa. Kini sila mao ang mga anak nga lalaki ni Basemat nga asawa ni Esau.

Genesis 36:2

Si Esau nagpili ug iyang mga asawa gikan sa mga Canaanhon: si Ada nga anak ni Elon nga Hitihanon, si Oholibama nga anak ni Ana nga anak ni Zibeon nga Hibihanon,

Genesis 36:5

Ug si Oholibama nanganak kang Jeus, kang Jalam ug kang Korah. Kini sila mao ang mga anak nga lalaki ni Esau nga nangatawo kaniya didto sa yuta sa Canaan.

Exodo 34:16

ug kuhaon ninyo ang ilang mga anak nga babaye alang sa inyong mga anak nga lalaki, ug ang ilang mga anak nga babaye magsimba sa ilang mga diosdios ug maghimo sa inyong mga anak nga lalaki sa pagpakighilawas sa pagsimba sa ilang mga diosdios.

1 Mga Taga-Corinto 7:2

Apan tungod sa mga salawayong pakighilawas, ang matag lalaki kinahanglang magbaton ug iyang kaugalingong asawa ug ang matag babaye magbaton ug iyang kaugalingong bana.

Mga Hebreo 12:16

nga walay bisan kinsa nga mahimong makihilawason o dili diosnon sama kang Esau, nga ang katungod sa pagkapanganay gipabayloan ug pagkaon.

1 Samuel 26:6

Unya si David miingon kang Ahimelek nga Hitihanon ug kang Abisai nga anak ni Zeruia ug igsoon ni Joab, “Kinsay mokuyog kanako ngadto kang Saul sa kampo?” Ug si Abisai miingon, “Ako molugsong uban kanimo.”