Genesis 26:31

Ang Biblia 2011

Ug mibangon sila sa pagkakaadlawon ug nanumpa sa usa ug usa. Ug gipagikan sila ni Isaac ug namiya sila nga malinawon gikan kaniya.

Cross References

Genesis 14:22

Apan si Abram miingon sa hari sa Sodoma, “Nanumpa ako sa Ginoong Dios nga Labing Halangdon, nga nagbuhat sa langit ug sa yuta,

Genesis 19:2

Ug siya miingon, “Naghangyo ako kaninyo, akong mga agalon, mohapit una kamo sa balay sa inyong ulipon ug magpalabay sa kagabhion ug manghugas kamo sa inyong mga tiil ug sa pagkabuntag mamangon kamo ug sayo ug mopadayon sa inyong paglakaw.” Ug sila mitubag, “Dili, kay sa dalan lamang kami magpalabay sa kagabhion.”

Genesis 21:14

Ug si Abraham mibangon pagsayo sa buntag ug mikuha ug pan ug tubig nga sinulod sa sudlanang panit ug kini gihatag niya kang Hagar, ug gipapas-an kaniya ug gihatag kaniya ang bata, ug si Hagar gipalakaw niya. Ug migikan siya, naglatagaw sa kamingawan sa Beer-seba.

Genesis 21:23

Busa karon, panumpa kanako tungod sa Dios, nga dili ka maglimbong kanako o sa akong mga anak ug sa akong mga kaliwat kondili nga sama sa kaayo nga akong gibuhat nganha kanimo, mao usab ang buhaton nimo ngari kanako ug ingon man sa yuta nga imong gilangyawan.”

Genesis 21:27

Ug nagkuha si Abraham ug mga karnero ug mga baka, ug gihatag niya kini kang Abimelek ug silang duha nagbuhat ug usa ka kasabotan.

Genesis 22:3

Busa si Abraham mibangon pagsayo nianang pagkabuntag ug iyang gisangonan ang iyang asno ug giuban niya ang duha ka batan-ong sulugoon ug si Isaac nga iyang anak. Ug nagbugha siya ug kahoy alang sa halad nga sunogon, ug mitindog ug miadto sa dapit nga giingon sa Dios kaniya.

Genesis 25:33

Si Jacob miingon, “Panumpa una kanako.” Ug siya nanumpa kaniya, ug gibaligya niya kang Jacob ang iyang katungod sa pagkapanganay.

Genesis 26:32

Niadtong adlawa, miabot ang mga sulugoon ni Isaac ug nagsugilon kaniya mahitungod sa atabay nga ilang gikalot ug sila nag-ingon kaniya, “Nakakaplag kami ug tubig!”

Genesis 31:44

Busa karon, magbuhat kita ug kasabotan, ikaw ug ako, ug kini maoy saksi tali kanimo ug kanako.”

Genesis 31:55

Sayo sa kabuntagon, si Laban mibangon ug mihalok sa iyang mga apo, sa iyang mga anak nga babaye, ug sila iyang gipanalanginan. Ug si Laban migikan ug mipauli sa iyang dapit.

Mga Hebreo 6:16

Sa pagkatinuod ang mga tawo nanumpa ngadto nga labaw pa kay kanila. Ug alang kanila ang usa ka panumpa ingon nga pagmatuod maoy motapos sa tanan nilang panagbingkil.

1 Samuel 14:24

Ang mga tawo sa Israel naguol niadtong adlawa kay si Saul nanumpa sa katawhan nga nag-ingon, “Tinunglo ang tawo nga mokaon sa bisan unsang pagkaon hangtod sa kagabhion ug ako manimalos sa akong mga kaaway.” Busa wala gayoy bisan usa sa katawhan nga mitilaw ug pagkaon.

1 Samuel 20:3

Apan si David nanumpa pag-usab, “Ang imong amahan nahibalo kaayo nga ako nakapahimuot sa imong mga mata ug siya miingon, ‘Ayaw pahibaloa si Jonatan niini kay tingali unya ug masubo siya.’ Sa pagkatinuod, ingon nga ang Ginoo buhi, ug ingon nga ang imong kalag buhi, usa na lamang ka lakang ang nakaulang kanako ug sa kamatayon.”

1 Samuel 30:15

Ug si David miingon kaniya, “Tultulan ba nimo ako ngadto sa maong panon?” Ug siya miingon, “Ipanumpa ngari kanako tungod sa Dios, nga dili nimo ako patyon o itugyan ngadto sa kamot sa akong agalon, ug ako magtultol kanimo ngadto sa maong panon.”