Genesis 26:28

Ang Biblia 2011

Sila miingon, “Nakita namo sa dayag gayod nga ang Ginoo nag-uban kanimo busa nag-ingon kami, ‘Himoon nato ang usa ka panumpa tali kanimo ug kanamo, ug maghimo ug kasabotan uban kanimo,

Cross References

Genesis 24:3

ug papanumpaon ko ikaw pinaagi sa Ginoo, ang Dios sa langit, ang Dios sa yuta, nga dili ka mangita ug maasawa alang sa akong anak gikan sa mga anak sa mga Canaanhon diin ako magpuyo.

Genesis 24:41

Unya mahigawas ikaw gikan sa akong panumpa sa dihang moabot ikaw sa akong mga kadugo, ug kon dili nila ihatag kanimo ang babaye, ikaw mahigawas sa akong panumpa.’

Genesis 31:44

Busa karon, magbuhat kita ug kasabotan, ikaw ug ako, ug kini maoy saksi tali kanimo ug kanako.”

Genesis 39:3

Ug nakita sa iyang agalon nga ang Ginoo nag-uban kaniya ug gipauswag sa Ginoo ang tanan nga gibuhat sa iyang kamot.

Genesis 39:5

Ug sukad sa pagkahimo niya nga tinugyanan sa iyang balay ug sa tanan niyang katigayonan, gipanalanginan sa Ginoo ang balay sa Ehiptohanon tungod kang Jose. Ug ang panalangin sa Ginoo diha sa tanan niyang katigayonan, sa balay ug sa uma.

2 Cronicas 1:1

Si Solomon nga anak ni David naglig-on sa iyang kaugalingon diha sa iyang gingharian ug ang Ginoo nga iyang Dios nag-uban kaniya, ug naghimo kaniya nga hilabihan ka bantogan.

2 Cronicas 15:9

Ug iyang gitigom ang tibuok Juda ug Benjamin ug kadtong gikan sa Efraim, sa Manases ug sa Simeon nga mipanaw uban kanila, kay daghan kaayo ang miadto kaniya gikan sa Israel, sa pagkakita nila nga ang Ginoo nga iyang Dios nag-uban kaniya.

Isaias 45:14

Mao kini ang giingon sa Ginoo: “Ang bahandi sa Ehipto ug ang patigayon sa Etiopia, ug ang mga Sabeanhon, mga tawo nga maayo ug barog, manganha kanimo ug sila maimo, sila mosunod kanimo; kinadinahan sila nga manganha ug manghapa sa imong atubangan. Mangaliyupo sila kanimo nga mag-ingon, ‘Ang Dios anaa kanimo lamang ug wala nay lain, walay laing Dios gawas kaniya.’ ”

Isaias 60:14

Ang mga anak nga lalaki niadtong nagsakit kanimo manganhi nga magyukbo kanimo; ug silang tanan nga nagbiaybiay kanimo mangyukbo diha sa imong tiilan; ikaw tawgon nila nga Siyudad sa Ginoo, ang Zion sa Balaan sa Israel.

Isaias 61:6

apan kamo tawgon nga mga pari sa Ginoo, ang mga tawo motawag kaninyo nga mga alagad sa atong Dios; kamo magkaon sa bahandi sa kanasoran, ug sa ilang kadato kamo maghimaya.

Isaias 61:9

Ang ilang kaliwatan mailhan taliwala sa kanasoran, ug ang ilang kaliwatan sa taliwala sa mga katawhan; ang tanan nga makakita kanila moila kanila, nga sila usa ka katawhan nga gipanalanginan sa Ginoo.

Roma 8:31

Busa unsa may atong isulti mahitungod niini? Kon ang Dios dapig kanato, kinsa man ang mobatok kanato?

1 Mga Taga-Corinto 14:25

ibutyag ang mga tinagoan sa iyang kasingkasing. Ug busa, samtang siya magduko, iyang simbahon ang Dios ug iyang ipahayag nga ang Dios anaa gayod uban kaninyo.

Mga Hebreo 13:5

Bantayi ang inyong kinabuhi nga malikay sa pagkamahigugmaon sa salapi ug himoa nga matagbaw kamo sa inyong mga naangkon karon, kay siya gayod mao ang nag-ingon, “Dili ko gayod ikaw pasagdan o biyaan.”

Mga Hebreo 6:16

Sa pagkatinuod ang mga tawo nanumpa ngadto nga labaw pa kay kanila. Ug alang kanila ang usa ka panumpa ingon nga pagmatuod maoy motapos sa tanan nilang panagbingkil.

Josue 3:7

Ang Ginoo miingon kang Josue, “Niining adlawa sugdan nako ang pagpasidungog kanimo diha sa panan-aw sa tibuok Israel aron sila mahibalo nga ingon nga ako nag-uban kang Moises, mag-uban usab ako kanimo.

1 Samuel 11:1

Unya si Nahas nga Amonihanon mitungas ug gilibotan ang Jabes-gilead ug ang tanang tawo sa Jabes miingon kang Nahas, “Paghimo ug kasabotan uban kanamo ug mag-alagad kami kanimo.”

1 Samuel 18:28

Apan sa dihang nakita ug nahibaloan ni Saul nga ang Ginoo nag-uban kang David ug si Mical nga anak ni Saul nahigugma kaniya,