Genesis 26:18

Ang Biblia 2011

Ug gikalot pag-usab ni Isaac ang mga atabay sa tubig nga ilang gikalot sa mga adlaw ni Abraham nga iyang amahan kay gitabonan kini sa mga Filistihanon human mamatay si Abraham. Ug kini ginganlan niya sama sa mga ngalan nga gihatag kanila sa iyang amahan.

Cross References

Genesis 21:25

Unya si Abraham nagmulo kang Abimelek tungod sa usa ka atabay sa tubig nga giilog sa mga sulugoon ni Abimelek.

Genesis 21:30

Ug siya miingon, “Kanang pito ka nating karnero nga baye, kuhaon nimo sa akong kamot aron nga sila mahimong saksi nga ako ang mikalot sa maong atabay.”

Genesis 21:31

Tungod niini, kadtong dapita ginganlan ug Beer-seba kay didto nanumpa silang duha sa usa ka panaad.

Genesis 26:17

Busa si Isaac mibiya gikan didto. Ug gipatindog niya ang iyang mga tolda sa walog sa Gerar ug mipuyo siya didto.

Genesis 26:19

Apan sa diha nga ang mga sulugoon ni Isaac nagkalot didto sa walog ug nakakaplag didto ug usa ka atabay sa nagtubod nga tubig,

2 Cronicas 26:10

Siya nagtukod ug mga tore didto sa kamingawan ug nagkalot ug daghang mga atabay kay daghan man siya ug mga hayop didto sa Sefela ug sa kapatagan, ug siya adunay mga mag-uuma ug mga tig-atiman sa kaparasan sa kabukiran ug sa mga tabunok nga yuta kay siya mahigugmaon sa yuta.

Salmo 16:4

Kadtong magpili sa laing dios, magpadaghan sa ilang pag-antos dili nako ibubo ang ilang mga halad nga dugo, o litokon ang ilang mga ngalan sa akong mga ngabil.

Oseas 2:17

Kay akong kuhaon ang mga ngalan sa mga Baal gikan sa iyang baba ug dili na hisgotan ang ilang mga ngalan.

Zacarias 13:2

“Ug nianang adlawa, nag-ingon ang Ginoo sa mga panon, puohon nako ang mga ngalan sa mga diosdios gikan sa yuta aron dili na sila mahinumdoman, ug papahawaon usab nako gikan sa yuta ang mga propeta ug ang hugaw nga espiritu.

Numeros 32:38

sa Nebo ug sa Baal-meon (ang mga ngalan niini gipangilisan) ug sa Sibma, ug gihatagan nila ug laing mga ngalan ang mga siyudad nga ilang gitukod.